Nyinagahirwa awadde ttiimu y'eggwanga essuubi
OMUWUWUTTANYI wa ttiimu y’eggwanga etasussa myaka 17, Shakira Nyinagahirwa agumizza Bannayuganda nga bwe basobola okuwandula Ethiopia mu z’okusunsulamu abaneetaba mu z’ensi yonna e Buyindi omwaka guno.
Nyinagahirwa awadde ttiimu y'eggwanga essuubi
By Ismail Mulangwa
Journalists @New Vision
Uganda yeetegekera kuzannya Ethiopia mu luzannya olusooka nga March 4, 2022 ku St. Mary’s Kitende (U17 World Cup Qualifiers). Nyinagahirwa agucangira mu Kamwempe Muslims Ladies FC ezannyira mu liigi yababinywera eya FUFA Women Super League mugumu nti Uganda esobola okukola ebyafaayo nga bawandulamu Ethiopia mu luzannya olusooka e Kitende.
Shakirah Nyinagahirwa mu kutendekebwa
“Ndi musanyufu okubeera ku ttiimu eno era nnina okwekkiririzaamu nti nze ne bazannyi bannage tuli balungi nnyo okulaba nga tuwandula Ethiopia okusobola okugenda kuluzannya oluddako” Nyinagahirwa bwe yategeEzezza.
Ono y’omu ku bazannyi abataano abeegasse mu nkambi ku Mmande. Abalala kuliko; Catherine Nagadya, Hadijah Nandago, Joweria Nagadya ne Phiona Nabulime. Nyinagahirwa ne banne baali ku ttiimu y’eggwanga etasussa myaka 20 nga bawandulwamu Ghana omwezi guno nga 6 February 2022.
Enkambi erimu abazannyi 30 ng’omutendesi Ayub Khalifa Kiyingi ayagalako abazannyi 20 bagenda okukozesa.