Makerere efunye wiini esooka mu liigi ya Handball omutendesi n'awera
TTIIMU ya Makerere University abasajja efunye obuwanguzi obusoose mu liigi y’oku ntikko eya handball, omutendesi Hannington Musoke n’awera okufaafagana n’abo be batanasisinkana sizoni eno.
Makerere efunye wiini esooka mu liigi ya Handball omutendesi n'awera
By Gerald Kikulwe
Journalists @New Vision
Eggulo mu liigi ya Handball
Abakazi
Prisons 21-22 Police
UPDF 26-25 Ndejje University
Makerere 22-30 Nkajja
Abasajja
Kyambogo 25-35 Makerere
Ndejje University 49-20 Evergreen
TTIIMU ya Makerere University abasajja efunye obuwanguzi obusoose mu liigi y’oku ntikko eya handball, omutendesi Hannington Musoke n’awera okufaafagana n’abo be batanasisinkana sizoni eno.
Eggulo (Lwamukaaga) baakubye Kyambogo University n’enjawulo ya ggoolo (10) okukola omugatte gwa (35-25) ku kisaawe kya Kibuli Primary School nga kati babuzaayo ensiike 6 okuwunzika ekitundu ekisooka ekya sizoni.
Wiiki ewedde Makerere yaggulawo na kukubwa Ndejje University (32-31) ate Kyambogo yawangula Evergreen (33-30).
“Twagala kukomya jjoogo lya ttiimu ezibadde zirowooza nti Makerere yafuuka kagoma ka buli omu kwekubira, eno sizoni tuli balala nnyo era nzikiriza tugenda kwewuunyisa bangi,” Musoke bwe yategeezezza.
Wabula Makerere abawala bakyalemereddwa okufuna wiini yoona oluvannyuma lw’okukubwa Nkajja abaakajja mu liigi (30-22). Kati eno nsiike yaakusatu ey’omuddiring’anwa nga tebawangula.
“Kituufu mu bawala tetunawangula naye sizoni yaakatandika ate buli nsiike gye tuzannye tukomawo nga tuli banjawulo mw’eddako era nze nzikiriza abawala bajja kukola bulungi,” Musoke bwe yagasseeko.