AKULIRA eby'okulonda e Wakiso, Tolbert Musinguzi akubirizza abantu okugenda ku miruka okufuna obukonge bwabwe

AKULIRA eby'okulonda e Wakiso, Tolbert Musinguzi akubirizza abantu okugenda ku miruka okufuna obukonge bwabwe basobole okwanguyizibwa mukiseera ky'okulonda omwaka ogujja.

Musinguzi yagambye nti Wakiso erina abalonzi 1.45 abagenda okwetaba mu kulonda kyoka olw'obungi bwabwe, akakiiko kaayongeramu ebifo ewalondebwa okuva ku bifo 1443 okutuuka ku 2552 nga mukino akakonge kakuyambako omuntu okumanya walondera.
Yakubirizza abantu okwenyigiramu okufuna obukonge bwabwe kuba bugenda kuba bwamugaso mukulonda kwonna ssaako okuyamba abantu obutataganyizibwa mukiseera ky'okunoonya webalondera.

Musinguzi ng'annyonnyola

Abalonzi bebazizza nnyo akakiiko okuleeta obukonge mubudde abantu basobole okumanya webagenda okulondera kubanga bangi babadde basumbuyibwa mukulonda okuyise nga tebamanyi wakutandikira.
Badru Kasiriivu omutuuze we Kisimbiri yagambye nti abantu bajumbidde okukima obukonge bwabwe kyoka ntegezeza nti abantu abaayusa ebifo webalondera obukonge bwabwe tebulabikako.
      Ye Catherine Nabunnya yasiimye EC okukomyawo obukonge buno kuba abasinga babadde batidde nti tebagenda kulonda olw'okuba nti densite zaabwe zaggwako era ono nakubiriza abantu bajjumbire okubufuna.