Abavuzi ba ddigi bagenze kuzibongera Bulaaya

Bya Robinah Nantale

Abavuzi ba Pikipiki mu Uganda Bategekedde Olugendo olw’Ebyafaayo e Bulaaya Okutumbula “Pearl of Africa”
Uganda Bikers Association etongozza enteekateeka y’olugendo lwa piki-piki olw’amaanyi mu mawanga ga Bulaaya, nga lugendereddwamu okutumbula eby’obulambuzi bya Uganda, obuwangwa, obukuumi ku nguudo n’okumanyisa ensi yonna Uganda, nga bali wamu ne Uganda Tourism Board.

Omu ku bavuzi ba ddigi ng'ali mu lukungaana lw'abannamawulire

Kampeyini eno eyitiddwa “Pearl on Wheels”, era egenda kulaba ekibinja ky’abavuzi ba pikipiki okuva mu Uganda nga batambula mu mawanga mukaaga aga Bulaaya okutandika nga June 22, mu kaweefube owogerwako ng’ogw’enjawulo mu kutunda eby’obulambuzi bya Uganda.

Angella Ssemukuutu pulezidenti w'ekibiina kino nga asinziira mu lukiiko lwa bannamawulire olwatudde ku Sheraton Kampala Hotel,  agambye nti abavuzi bano baamaliridde okukozesa obulambuzi bwa pikipiki okulaga ensi obulungi bwa Uganda omuli eby’obuwangwa, emmere, ebifo eby’obutonde n’engeri Abaganda ne Bannayuganda gye baanirizaamu abagenyi.

 Ssemukutu bwe yagambye.
Yannyonnyodde nti bano bajja kusimbula okuva mu Uganda nga June 22 ne batuuka mu kibuga kya Milan nga June 23, oluvannyuma batandike olugendo lwabwe nga bayita mu Italy, France, Switzerland, Austria ne Germany.

aba Ddigi nga bali mu lukungaana lw'abannamawulire

Abavuzi bano basuubirwa okuyita mu Mont Blanc Tunnel oluvannyuma ne bagenda e Austria ne Munich mu Germany, gye bagenda okusisinkanira Bannayuganda ababeera ebweru w’eggwanga n’abakiise ba Uganda.
Era abakungu baalangiridde nti bagenda kukyalira ebifo eby’enjawulo ebikwatagana ne kampuni ya pikipiki emanyiddwa ennyo eya BMW.

CEO wa Uganda Tourism Board, Julia Kaggwa, yannyonnyodde enteekateeka eno ng’ekampeni ey’enjawulo egenda okuyamba okutwala erinnya lya Uganda ku mutendera gw’ensi yonna.

Kagwa yagambye nti abavuzi bajja kukozesa emikutu gya yintaneeti n’okutambuza amawulire ku mikutu gya social media okulaga ensi eby’obulambuzi bya Uganda.
Omwe ku bavuzi era omuteesiteesi w’olugendo, Frank Nigel Othembi, yagambye nti olugendo luno basuubira okulufuula olw’omwaka mu kalenda y’ekibiina kyabwe.

Abavuzi ba Ddigi nga bali mu kifaananyi eky'awamu

Yagasseeko nti mu maaso balina enteekateeka okugaziya enguudo z’olugendo mu Bulaaya, okugenda mu United Kingdom era oluvannyuma ne mu United States.
Abakungu okuva mu Uganda Bikers Association ne Uganda Tourism Board bagambye nti balina essuubi nti enteekateeka eno ejja kunyweza erinnya lya Uganda mu nsi yonna, okusikiriza abalambuzi abangi n’okulaga nti obulambuzi bwa pikipiki busobola okuyamba nnyo okutunda eggwanga.

Abavuzi baliko obubaka bwebawadde kulugendo luno