Abaagusambako batandise kampeyini y'okweggya mu bwavu
ABAAGUZANNYAKO abeegattira mu kibiina kya Former Footballers Seniors Foundation bategese ebivulu ne Band ya Afrigo mu kawefube w'okuteekaawo amakubo g’okuyamba abaaguzannyako.
Moses Matovu ng'akulemeddemu banne okujja ku kitebe kya Vision Group
ABAAGUZANNYAKO abeegattira mu kibiina kya Former Footballers Seniors Foundation bategese ebivulu ne Afrigo Band mu mu kaweefube gwebaliko ow'okussaawo amakubo ag'okusitula embeera y'abaazirwanako.
Paasita Paul Musisi omuyima w'ekibiina kino agambye nti batonzeewo enkolagana ne Band ya Afrigo nga baakutegeka ebivulu okwetoloola eggwanga lyonna nga Ssente ezivaamu zaakuyamba ku baasamba omupiira basobole okwewalira ddala omuze gw’okusabiriza.
Musisi agamba enkolagana eno baagituseeko oluvannyuma lw’okusisinkana omu ku bakulira bbandi ya Afrigo, Moses Matovu era nga ye Muwanika we kibiina kino,eyakkiriza Afrigo okutegeka ebivvulu bino nga baakutandika n'ekivvulu ekigenda okuberaawo nga September,6,2026 ku Kisaawe kye Ssomero lya Caring Hearts e Wakiso.
Abaagusambako nga bakyaddeko ku kitebe kya Vision Vision Group
Ssente ezinaava mu bivvulu bino Musisi agamba zaakuyambako abaali abasambi b'omupiira mu ngeri ey’enjawulo era balina ettaka lyebagenda okugula e Nakulabye batekeko pulojekiti.
Matovu yagambye nti ye muzannyi wa mupiira eyaguwummula eyagenda mu Ndongo era bweyawulira omulanga guno kyamukwatako nnyo n'asalawo bategeke ebivulu bino.
Ssentebe we kibiina kino Paul Ssali “Gogolimbo” yagambye nti buli wobeera ng’osaba abantu batuuka ne bakukoowa era enkola eno egenda kubayamba nnyo okweggya mu bwavu.