Pooriisi necondooza okufa kw’omuhagizi w’omupiira obaire ahangwire ‘akapapura’ omuri Jinja

Pooriisi necondooza okufa kw’omuhagizi w’omupiira obaire ahangwire ‘akapapura’ omuri Jinja

N’ebya Doreen Musingo 

Pooriisi y’ekyanga ekya Kiira eriyo necondooza oku omushaija w’emyaka 40 afiire.

James Mubi, omugambirizi wa pooriisi ahabw’ekyanga ekya Kiira naagira ngu ofiire ni Ismael Kalend, omutuura w’ekyaro ekya Mpumudde, Jinja North division omu rurembo orwa Jinja.

Mubi naagira ngu riipota ezibatungire nizoreka ngu Kalende akasinga shiringi 300,000 bwanyima y’okutsiba akapapura k’omuzaano gwa Arsenal na Manchester United.

Bwanyima y’okutunga sente ezi omwabazyo gw’Orwakataano, ogu agiire omubaara na roogi eya Lyagooba omu woodi ya Mafubira omu rurembo orwa Jinja ahi aguzire amarwa ga buri kiika obwo banywani be barikumuhagira.

Beitu hoona, omubiri gwe gushangirwe aheeru y’ebaara akasheeshe k’orwamukaaga.

Nikigambwa ngu ebaara ekingirwe kandi ba manegya bamizirwe ensi, eki barikuteekateekyera ngu ahairwe obutwa.

Omubiri gwa Kalende gutwairwe omukabafu ah’eirwariro erya Jinja Regional Referral kubaasa kukyeberwa batakaguhaire abanyabuzaare kutebeekanisa eby’okuziika.

Pooriisi eriyo nehiiga bakama b’ebaara egi obwo okucondooza nikugumizamu.

#WestUpdates