Uganda AIDS Commission etongoizeho okwiruka kw’okurwanisa akakooko ka siriimu.

N’ebya Beth Akatukunda

KAMPALA

Akakiiko aka Uganda AIDS Commission kakwataniise n’ekitongore ekya Africa Village Journeys katongoizeho okwiruka kw’omwaka ogu okwetsirwe Uganda AIDS Marathon 2026 nk’omuringo gumwe gw’okumaraho endwara y’akakooko ka siriiimu omwaka gwa 2030 gutakahikire.

Omukoro gw’okutongozaho okwiruka oku gubaireho Orwakabiri ebiro 24.02.2026 ahari Munyonyo Speke Resort Hotel ahansi y’omutwe “Yiruka oine amatsiho kureetaho empinduka”.

Abarikukwatwaho omu by'amagara barikuteeza ekishushani aha mukoro gw'okutongozaho okwiruka okw'akakiiko aka Uganda AIDS Marathan aharwakabiri ebiro 24.02.2026.

Mukuru w’akakiiko aka Uganda AIDS Commission, Dr. Nelson Musoba nagira ngu okwiruka oku nikuza kubaho ebiro 29.11.2026 kandi kugyenderiire kumanyisa abantu ngu endwara y’akakooko ka siriimu ekiriho, okubakubaasa kugyerinda, okutuura amagara marungi hamwe n’okurundaana esente z’okutaho programs z’okushomesa abantu ahandwara y’akakooko ka siriimu omu kwetegurira ekiro ky’ensi yoona eky’okwijuka endwara yakakooko ka siriimu eky’omwaka ogu ekirikuza kubaho 01.12.2026.

Mukuru w'akakiiko aka Uganda AIDS Commission, Dr Nelson Musoba ahakutongozaho okwiruka okwa Uganda Aids Marathon aharwakabiri ebiro 24.02.2026 omuri Munyonyo.

Nakyoreka ngu omuhurur egi, bagyendereire munonga eminyeto ngu ahabw’okuba abantu abasya abarikukwatwa akakooko ka siriimu, abaingi n’eminyeto okukira munonga abaishiki.

Dr Musoba nabwo nashaba eminyeto okwejumbira omuhururu egi kandi babe ba ‘ambassador’ b’okurwanisa endwara egi obwo barikwekyebeza, bakerinda n’okutuura amagara g’obujunanizibwa.

Okwiruka oku nikuza kuba omundembo enkuru 10 eziri omu Uganda kandi nikwija kuhenderera omuri Kampala.

Abetebeekaniise okwiruka oku nibagira ngu okwiruka oku nikwija kuhwera abantu okutunga obuheereza bw’akakooko ka siriimu obwo bagyenderiire kwongyera amaani omu kurwanisa endwara y’akakooko ka siriimu.

#WestUpdates