Gavumenti yatongoza okukyeberwa Sickle Cells abaana boona abaheza kuzaarwa.
Omuhandiiki w’entuura omu minisiture, Dr Diana Atwine nayoreka oku gavumenti eyehiireyo kukyebera kare n’okuragurira endwara ya Sickle Cells omu baana kandi ebi byona byine kukorwa omu bwire.
Atwine yaaba akuriire omukoro ogwahikwaho mukuru w’obuheereza bw’eby’amagara, abanyamakuru, abashaho, ebitongore empa buhwezi hamwe n’abanyadiini. Photos: Bridget Ahurira.
N’ebya Omushaki weitu
KAMPALA
Ministry y’eby’amagara eriizooba yatongozaho program y’okukyebera endwara ya Sickel Cells ahabw’abaana boona abaheza kuzaarwa omu eihanga.
Omukoro ogu gwakorerwa aha kitebe kikuru kya minisiture y’eby’amagara omuri Kampala eriizooba ebiro 09.02.2026 ahari 'Breakfast meeting'.
Omuhandiiki w'entuura omu minisiture y'eby'amagara, abanyadiini n'abakuru kuruga omu minisiture barikuteeza ekishushani bwanyima y'okutongozaho puroguraamu y'okukyebera endwara ya Sicke Cells omu baana abaheza kuzaarwa.
Omuhandiiki w’entuura omu minisiture, Dr Diana Atwine nayoreka oku gavumenti eyehiireyo kukyebera kare n’okuragurira endwara ya Sickle Cells omu baana kandi ebi byona byine kukorwa omu bwire.
Atwine yaaba akuriire omukoro ogwahikwaho mukuru w’obuheereza bw’eby’amagara, abanyamakuru, abashaho, ebitongore empa buhwezi hamwe n’abanyadiini.
Nakyoreka ngu ahabaana 200,000 abarikuzaarwa baine endwara egi eya Sickle Cells, abaana abari ahagati ya 6,000 na 9,000 nibafa batakahikize emyaka 5 ahabw’oburemezi nka infections, anaemia hamwe n’okushanyarara omubiri (stroke) ebyakubiire nibyerindwa.
Okurugiirira ahari Atwine, puroguraamu egi n’eya Ihanga ryona kandi neija kuteebwa omunkora omu marwariro goona aga gavumenti hamwe n’agabantu buntu.
Abaana boona nibeija kubanza bakyeberwa baheza kuzaarwa ahabw’okwenda kurwanisa omubaro gw’abantu abarikwitwa endwara ya Sickle Cells.
#WestUpdates