Dr. Ruth Aceng aheirwe omudaari ahabw’okurwanisa COVID19 omu Uganda

N’ebya Omushaki Waitu

Minisita w’eby’amagara, Dr. Jane Ruth Aceng atungire omudaari ahabw’omurimo ogu yaakozire n’obwebembezi bwe omukurwanisa endwaara eya COVID19.

Aceng arikurabira ahamukura gwe ogwa X eriizooba yaagira ngu aine amashemererwa ahabw’okuheebwa omudaari ogu.

Ogu atungire omudaari ogu aharuteerane orwokubanza orw’amahanga kwiha COVID19 nehwaho orubaire omuri Toronto, Canada.

Oruteerane oru rutebeekanisiibwe ekitongore ekya Livelihood Development Initiatives International Canada barikukwatanisa na Gavumenti ya Canada, the Intergovernmental Authority on Development, the African Union 6th Region Global, the World Health Organization, Continental Investments LLC-Vietnam, na United Nations. 

Ahabiro 23/1/2020, China ekakingaho orurembo orwa Wuhan bwanyima y’okubarukaho kwa COVID19, eyajanjaire omumahanga agandi omu nsi.

#WestUpdates
#RadioWestAt25