Abatuura b’omwaro gwa Buhuka batunga okuragurirwa kwa busha.

Abatuura b’omwaro gwa Buhuka batunga okuragurirwa kwa busha.

N’ebya Ambrose Niwagaba Katoto

Kikuube

Abatuura b’omwaro gwa Buhuka ogurikushangwamu ebirombe by'amajuta ebya Kingfisher Oil Development Field omugomborora ya Kyangwali omu disiturikiti ya Kikuube batunga okuragurirwa kwa busha.

Abakyira okuragurirwa n'abaaba beine endwara z'oruhu, omushwija gw'omumara, ekirukano, omushwija gw'ensiri, okuzimba enda hamwe n’abaine obuzibu bw'amaisho.

Abatuura nyamwingi n'abaana baabo bakyera okweshuka ah'eirwariro rya Buhuka HCIII, eririkushangwa omukihaanga ky'enyanja ya Albert ahamwaro gwa Buhuka omugomborora ya Kyangwali omu disiturikiti ya Kikuube.

Abatuura abu twagambaho nabo abarimu Julius Amanyire hamwe n'abandi batugira ngu beine endwara y'omushwija gw'omumara, ekirukano hamwe n'omushwija gw'ensiri ebibahereizeho esente hamwe n'obusingye.

Abatuura ba Buhuka batunga okuragurirwa kwa busha..(Photo by Ambrose Niwagaba Katoto)

Omubiija twashangamu n'amafakazi, Georgina Nyangoma na Loice Atimu abagamba ngu amafuuzi gakarwaara beitu bakaburwa sente z’okuraguriza abaana baabo.

Abandi bagamba ngu ekizibu nikyiruga ahaburofa oburikuruga omubutaba na kamina hamwe n'okunywa amaizi mabi ag'omunyanja.

Ehururu y’okuragurira busha abantu etebeekanisiibwe kampuni y’amajuta eya China National offshore Oil coporation - CNOOC Uganda bakwataniise n’ekigombe ky’abashaho ba China ekya China-Uganda Friendship okuruga omu eirwariro rya Naguru.

Vincent Opio Alpha, ori omuhwezi wa ceyamaani wa disiturikiti ya Kikuube yashaba abeebembezi boona okwimukyiramu okushomesa abantu emiringo y'okwerinda endwara namunonga ezirikuruga omuburofa hamwe n’ezo ezitarikuturirana.
 
Omwaro gwa Buhuka nigwo gurikushangwamu ebirombe by'amajuta aga Kingfisher oil development Field ebirikutekateekwaho okwija okushohoza amajuta okuruga okuzimu omugwa 2025.

Abaragurirwa batunga emibazi yabusha kandi eyaaba etariho baabohereza omumarwariro agarikukyirayo okuheebwa emibazi.

#WestUpdates