Abakazi 1,606 bashangirwe n’ekookoro y’omunwa gwa nyin’enda- Kakumiro.
Dr. Carolyn Nakisige, omushaho omukugu omu by’okuzaarisa ahari Uganda Cancer Institute -Mulago nakyoreka ngu abakazi 13 nibo barikwitwa endwara y’ekookoro y’omunwa gwa nyin’enda burizooba omu Uganda.
Dr. Gerald Mutungi, Omuhwezi wa kamishana w’endwara ezitarikuturura omu minisiture y’eby’amagara arikubuganaho abarikukwatwaho ahaby'endwara y'ekookoro y'omunwa gwa nyin'enda omuri Kakumiro.
By NewVision Reporter
Journalists @NewVision
N’ebya Andrew Musinguzi
KAKUMIRO
Abakazi barikuhika 1,606 omu disiturikiti eya Kakumiro baakyebiirwe bakashangwa baine endwara y’ekookoro y’omunwa gwa nyin’enda omu myaka 2.
Ahari aba, abakazi 1,043 bakyebiirwe baragurirwa kandi abanda 23 boheereziibwe ah’eirwariro ry’abarwaire b’ekookoro erya Uganda Cancer Institute (UCI) Mulago kwongyera kutunga okuragurirwa okurugiirira aha rupoota ya Uganda cancer institute (UCI) ekwataniise n’ekitongore ekya Uganda Rural development and training program(URDT).
Dr. Gerald Mutungi, Omuhwezi wa kamishana w’endwara ezitarikuturura omu minisiture y’eby’amagara agambire ebi obu abaire nagambaho n’abarikukwatwaho hamwe n’abarwaire b’ekookoro omuri Kakumiro aha mbuga nkuru za disiturikiti aharwamukaaga.
Dr. Gerald Mutungi arikuhurira obujurizi bw'abarwaire b'ekookoro y'omunwa gwa nyin'enda omuri Kakumiro omu kiganiiro kyabo ekibaire aha mbuga nkuru za disiturikiti eya Kakumiro. Photos by Andrew Musinguzi.
Akyorekire ngu abakazi 8,000 omunsi yoona nibeitwa endwara y’ekookoro y’omunwa gwa nyin’enda buri mwaka omu mahanga agarimu abarwaire aba kandi abakazi 7,000 nibo barikukyeberwa bakashangwa baine ekookoro y’omunwa gwa nyin’enda buri mwaka omu Uganda.
‘’Ekookoro nebaasa kwerindwa kandi neragurirwa ekira abashaho baheza kugimanya bukiri kare. Ekookoro niyo erikukira kwita abantu ahandwara ezitarikuturira kandi abashaija nibo barikuba baine akakooko akarikureeta ekookoro aka Human Papilloma Virus (HPV) nikwo kushaba abashaija okushagika abakazi baabo barikugyenda nabo aha marwariro kukyebeza oteireho nabo okwekyebeza endwara y’ekookoro y’omu bushaija eya prostate cancer,” Mutungi arikushoborora.
Dr. Carolyn Nakisige, omushaho omukugu omu by’okuzaarisa ahari Uganda Cancer Institute -Mulago arikugambaho n'abarikukwatwaho n'abarwaire b'ekookoro aha mbuga nkuru za disiturikiti eya Kakumiro aharwamukaaga.
Dr. Mutungi ashoboriire ngu ekookoro nekira yaheza kumanywa kare ekaragurirwa kare kandi abakazi nibabaasa kusirikwa endwara egi nikwo kushaba abakazi okwejumbira omu kukyebeza aha marwariro.
Dr. Carolyn Nakisige, omushaho omukugu omu by’okuzaarisa ahari Uganda Cancer Institute -Mulago nakyoreka ngu abakazi 13 nibo barikwitwa endwara y’ekookoro y’omunwa gwa nyin’enda burizooba omu Uganda.
Dr. Carolyn Nakisige, omushaho omukugu omu by’okuzaarisa ahari Uganda Cancer Institute -Mulago.
#WestUpdates