UPDF emaze okuteesa ku ngeri y'okumalawo akabinja ka bayeekera ba ADF e Congo
EGGYE lya UPDF nga bali wamu n'eryo mukago erya FARDC , bamalirizza akafubo ak'ennaku ebbiri, nga bateesa ku ngeri y'okumalawo akabinja k'abatujju aba ADF e Congo.
UPDF emaze okuteesa ku ngeri y'okumalawo akabinja ka bayeekera ba ADF e Congo
By Godfrey Kigobero
Journalists @New Vision
EGGYE lya UPDF nga bali wamu n'eryo mukago erya FARDC , bamalirizza akafubo ak'ennaku ebbiri, nga bateesa ku ngeri y'okumalawo akabinja k'abatujju aba ADF e Congo.
Ekikwekweto kino ekya Operation Shujaa, kitutte akaseera okuva mu Nov 2021 nga balwanyisa abayeekera ba ADF era bangi battiddwa n'okuwambibwa n'abantu abawerako ne banunulibwa.
Akafubo kano, kabadde Beni mu Eastern Congo era nga keetabiddwako Maj. Gen Chicco Tshitambwe amyuka akulira ekikwekweto kino era ng'asiimye abaseikale olw'okufeffetta akabinja kano.
Ku lwa UPDF Maj Gen Richard Otto, akulira ekikwekweto kino, era nga y'akulira amagye ag’omu nsozi, y'abaddewo wamu n'abajaasi ku madaala agawaggulu okuli Maj Gen Abdallah Nyembo, Maj Gen Bruno Mandevu okuva e Ituri ne Sokola Grand North Division e Congo.
Omwogezi w'ekikwekweto kino Maj Bilal Katamba, ategeezezza nti enkiiko zino zizze zibaawo, okwetereeza n'okwongera amaanyi mu bajaasi.