ENGALO ze zituyamba okukolaemirimu, kubanga tuzikozes   okukwata, okunyweza, okuta, okukola obubonero, n’ebirala bingi. Wakati mu kukola emirimu gino, weesanga ng’engalo zo zifunye okusiiyibwa, n’olemesebwa okukola.

Omukutu gwa https://www. medicalnewstoday.com gugamba nti okusiiyibwa engalo kireetebwa ebintu eby’enjawulo, omuli okukwata mu bicaafu obuwuka ne bugenda mu ngalo zo, endwadde z’ensusu, obulwadde bwa sukaali n’ebirala.
Ebiseera ebimu okusiiyibwa kusobola okubeera okw’amaanyi ennyo, ne kuvaamu obulumi, olumu ne kireeta n’obutulututtu mu ngalo, nga buvaamu amazzi, olumu wakati mu kwetakula ne weekanga ng’oyuzizza olususu lwo. Bwe weesanga mu mbeera eno, teeka engalo zo mu mazzi agannyogoga, oba okwate bbalaafu mu ngalo, kikutaase ku kusiiyibwa okw’amaanyi n’okutangira engalo okuzimba.
Tokozesa ssabbuuni alimu ebirungo ebikambwe, ng’onaaba engalo, kubanga ayongera kusajjula mbeera. Kozesa ssabbuuni ataliimu birungo bikambwe, paka engalo zo bwe zitereera. Bw’omala okwoza, oba okunaaba, fuba okulaba ng’egalo zo ozikaza bulungi, kubanga bwe zimala ekiseera nga mbisi kyongera okusajjula embeera y’okusiiyibwa. Weewale okukozesa ebizigo ebirimu ebirungo ebikambwe ku lususu, kubanga bisobola
 okusiiyibwa. Bw’oba emirimu gyo gya kukwata mu kemiko oba eddagala ery’obutwa, fuba okwambala enkampa (gloves), eddagala lino lireme kutuuka ku ngalo zo kuba
liyinza okukuleetera okusiiyibwa. Singa okozesa ebintu ebyo n’otatereera,
genda olabe omusawo, akukebere otegeere ekizibu kwe kiva, akuwe obujjanjabi obusaanidde.