Pulezidenti alonze akulira Uganda Airlines omuggya
PULEZIDENTI Yoweri Museveni alagidde minisita avunaanyizibwa ku byentambula n’enguudo, Gen. Edward Katumba Wamala okulonda eyali akulira kkampuni y’ennyonyi eya Ethiopian Airlines, Girma Wake akulire ekitongole kya Uganda Airlines era abeere omukugu eyeebuuzibwako.
Girma Wake
PULEZIDENTI Yoweri Museveni alagidde minisita avunaanyizibwa ku byentambula n’enguudo, Gen. Edward Katumba Wamala okulonda eyali akulira kkampuni y’ennyonyi eya Ethiopian Airlines, Girma Wake akulire ekitongole kya Uganda Airlines era abeere omukugu eyeebuuzibwako.
Yagambye nti kino akikoze okugonjoola ekizibu ky’obunafu mu nzirukanya y’emirimu gy’ekitongole kino. Mu kiwandiiko kye yaweerezza Gen.Katumba Wamala, yalagidde abadde akulira ekitongole kino, Jennifer Bamuturaki alekulire.
Wake 82, asuubirwa okukolagana n’olukiiko olufuzi ng’akulira ekitongole kino ow’ekiseera okutuusa mu July, Pulezidenti lw’anaalonda akulira ekitongole kino omujjuvu.
Nga February 3 2026, minisita omubeezi ow’ebyentambula, Fred Byamukama yategeeza nti, Bamuturaki mu July w’omwaka oguwedde yaggyibwako obuvunaanyizibwa ku biragiro bya Pulezidenti Museveni oluvannyuma lw’olukiiko olufuzi okuzuula ebirumira mu ngeri gye yali addukanyaamu emirimu gye.
Pulezidenti yalagira olukiiko okuwaayo Bamuturaki omwaka gumu ogubadde guggwaako mu June w’omwaka guno, nga bwe banoonya anaamuddira mu bigere.
EBIKWATA KU GIRMA WAKE
lYeegatta ku kitongole kya Ethopian Airlines mu 1965.
lYe munnansi eyasooka okukulira Ethopian Airlines. Mu 2004, yaddamu okulondebwa okukikulira.
lOlw’enkola ye ennungi, ennyonyi zeeyongerako okuva ku 12 okudda ku 37 era yagenda okuwumula mu 2011 nga Ethiopian Airlines yeebuuzibwako.
lYalondebwa ku bwa ssentebe wa Rwanda Air wakati 2012 ne 2017 ate mu 2018 yaddayo mu Ethiopian Airlines era wakati wa 2022 ne 2023, yalondebwa ku bwassentebe w’olukkiiko olufuzi