Poliisi y'ebidduka etandise okuyigga abatikka abaana obubindo mu masomero

Ekitongole kya Poliisi ekya ttulafiki olutalo lw'okumalawo obubenje ku nguudo erututte mu masomero era nga etandikidde mu bitundu by'e Masaka, Mpigi, Butambala, ne Gomba.
Omwogezi wa ttulafiki mu ggwanga, Michael Kananura ategeezezza nti bamaze ennaku ttaano nga basomesa abayizi obulabe obuli mu kuttikka abaana abangi nga bagenda oba nga bava ku masomero.

Abasirikale b'ebidduka nga basomesa abayizi

Poliisi etegeezezza nti enkola eno esinga mu bavuzi ba boodabooda n'abavuga emmotoka z'amasomero.
Abakozesa booda balagiddwa okukozesa herementi kiyambe abayizi obutafuna buzibu ku mutwe singa akabenje  kaba kaguddewo.
Bino webijjidde ng'omuwendo gw'abayizi abafiira mu bubenje gweyongedde mu bitundu by'e ggwanga eby'enjawulo