Poliisi etaddewo ennamba ezitali zaakusasulira abantu baloopereko abaagala okutabangula emirembe

POLIISI mu kitundu kya Ssezzibwa, efulumizza ennamba z'amasimu, abantu kwe bagenda okuyita okuloopa eyo yenna agezaako okutabangula emirembe, mu kiseera ng'okulonda kugenda mu maaso.

Mu ngeri y'emu era, bategeezezza nga bwe beetegese obulungi okukuuma abantu n'ebyabwe, era ne basaba abatuuze okugenda mu bungi balonde abantu baabwe be baagala.

Ekitundu kya Ssezzibwa, kikoleddwa disitulikiti omuli Kayunga, Buikwe, Buvuma era ng'ennamba z'amasimu, zissiddwa ku poliisi zino zonna n'endala ng'eteereddwa ku Region.

Omwogezi wa poliisi mu kitundu kino, Hellen Butoto, ategeezezza nti ezimu ku ssimu zino, sizaakusasulira era n'abasaba okuzeeyambisa okuloopa abo abataataaganya emirembe wamu n'okuloopa ebintu bye babeera tebeekakasa.

Agambye nti essimu ku poliisi e Buvuma eri 0741559700 , e Lugazi 0741 989311 , e Njeru toll free 0200904364 n'ey’e Kayunga eri 0741987591 ate ku region 0741 98 94 04