Poliisi ekyanoonyereza ku kivuddeko akabenje akasse abantu 7 n'okulumya abalala 6
Akabenje kabaddemu lukululana nnamba KDU 206C/ ZF 0842 Benz Actors bw'etomereganye ne ttakisi nnamba UBR 062Q e Namukunyu ku ssaawa 5:00 n'ekitundu ez’oku makya.
Poliisi ekyanoonyereza ku kivuddeko akabenje akasse abantu 7 n'okulumya abalala 6
Poliisi e Iganga, ekyagenda mu maaso n'okunoonyereza ku kivuddeko akabenje akasse abantu 7 n'okulumya abalala 6.
Akabenje kabaddemu lukululana nnamba KDU 206C/ ZF 0842 Benz Actors bw'etomereganye ne ttakisi nnamba UBR 062Q e Namukunyu ku ssaawa 5:00 n'ekitundu ez’oku makya.
Ttakisi ebadde eva Jinja era ng'egezzaako okuyisa, kwe kwambalagana ne lukululana ebadde edda e Jinja era ng'abafudde, babadde bonna mu takisi.
Kuliko Mudasiru Kibanda 28 owa Kakajjo e Nateete, Isaac Sabina 28 w’e Semuto Nakaseke, Abdullah Nyiro ow'e Busia, Samuel Odokonyero 28 nga w'e Nwoya.
Abalala abafudde ye Eddie Ngolobe, 24 Muwayo Bugiri, Edirisa Wandera 34 w'e Lumino Busia, ne Balijuka Kirungi Magidu 32 w'e Masindi era ng'emirambo gyonna, gitwaliddwa mu ggwanika ly'eddwaliro e Nakavule okugyekebejja nga Micheal Kasadha omwogezi wa poliisi mu Busoga East, bw'annyonnyola.