OMUNTU omu afiiriddewo n'abalala 7 ne baweebwa ebitanda mu kabenje akagudde mu Mabira e Buikwe.
Emmotoka ey'ekika kya Drone ekoze akabenje
OMUNTU omu afiiriddewo n'abalala 7 ne baweebwa ebitanda mu kabenje akagudde mu Mabira e Buikwe.
Wabadde wakayita olunaku lumu lwokka,nga mu Mabira e Buwola, wafiiriddewo abantu babiri n'okulumya abalala Basatu mu kabenje akaaguddewo eggulo.
Lukululana ekoze akabenje
Akabenje kano akaguddewo akawungeezi e Kinoni ku luguudo oluva e Kampala okudda e Jinja, kabaddemu emmotoka ssatu okuli Elf nnamba UA 0500BZ ng'ebadde evugibwa Paul Mpandi 30 ow'e Namawojjolo, UBQ 729D Regno eno nga dereeva waayo afiiriddewo n'endala UBR 511 N kamunye ng'evugibwa Swaibu Kasoma 43 ow'e Kireka.
Kigambibwa nti Elf eremeddwa okusiba n'eva ku mukono gwayo, n'atomera emmotoka zino .
Emmotoka ezokoze akabenje
Abalumiziddwa, kuliko David Oguti Junior 45 ow'e Bugembe, Badru Kamale 30 owa Kibe Kalerwe, Yusuf Seruwagi 45 w'e Busia, Emmanuel Mugenyi 30 w'e Ntebe, Shivani Kyomugisha 19 ow'e Kiryowa Buikwe.
Abalala ye Medieval Musoke 40 w'e Mutundwe , Flavia Nakibuule 27 nga w'e Busia era nga bonna, babadde batambulira mu Regno. Bajanjabirwa mu ddwaaliro e Kawolo okusinziira ku Hellen Butoto omwogezi wa poliisi mu Ssezzibwa.