Omulangira Kassimu Nakibinge akubirizza abantu obutetundako ttaka

OMULANGIRA Kassim Nakibinge alabudde abantu mu Buganda okukomya okwetundako ettaka lyabwe  nga mufunamu ssente nti kyebakola kikyamu balina  kulikolerako basobole okugaggawala

“Mukome okwetundako ettaka  kubanga kyabugagga kyemulina  okukolerako musobole okufuna ssente mugaggawaale  .  Oyo akuwa ssente lwaki azeggyako nga ze zisinga omugaaso n'atwala kyalowooza nti sikye kisingako , mulekere ssenteze nawe osigaze ettaka lyo .olikolereko ebintu ebyenjawulo   “ Omulangira bweyagambye

Fahad Kasagga omu ku batabani b'omugenzi ng'ayogera eri abantu

Yabyogedde mu kusoma edduuwa ye yali mukwanogwe omugenzi   Hajji Abaas Kasagga e Nawango -Bulo  – Butambala kumukolo ogwasitudde ebikonge ebynjawulo

Yagambye nti   abantu bangi bagenze batunda ettaka ne batuka n’okutundiramu ebigya okuli  bakadde babwe , mulaba nge kyangu naye abafu bano bakolima n’osanga eyatunda talina kyalikozemu ate nga  takyalina yadde ennusu .

Yayongedde okulkuttira abantu  okuva mu kusagirira  wabula bakole ekiraamo  amangu  ddala nga tebanafa kitaase enjawukana mu bantu bemulese mu bintu byamwe . Yagambye nti buli lw’oleka ffamire mu bbanga kivaamu kulwaagana gye bigwera balooya na  balamuzi be bafunye mu by’obugagga byo .

Abasiraamu nga boogera ku dduwa

Wabula okusooka Musa Sserwadda muto w’omugenzi nga yeyakulembeddemu abaffamire , yasoose okuloopera Mulangira nga abaffamire abamu bwe bavaayo ne basalasalamu ettaka lye kika kyabwe okwazikiibwa  Hajji Kasagga mu nnaku mbale  nga yakatebwa mu ttaka ekikolwa ekyalimkyenyamiza mu bulamu bwa bulijjo .

Ate Fahad Kasagga omu ku batabani b’omugenzi yasimye omukwano abantu gwe balaze kitabwe nayongerako nti yakola kinene mu AFRONASA. Yasabye abantu abenjawulo okubegattako basobole okugenda mu maaso n’okulaakulanya  pulojekiti za kitabwe zeyatandikawo mu kitundu omuli okulabirira  abakadde n’abatesobola ,

 Ate Alhajji Twaha Kawaasi ormumyuka wa katikkiro ow’okubiri asabye abantu ba Buganda okunyweza  ennyiriri mu bika byabwe nga kyakuyambako unyweza obwakabaka.

Supreme Mufti Sheikh Muhammad Galabuzi yasabye abantu okuyiiora ku Busiramu nga batemateema ebintu by’omugenzi ne babigana mu ngeri ennungamu

Sheikh Ali Kajubi nga ye ssentebe wa Western region yasabye  bakulembeze banabwe abali babeyawulako  okweteeza nga  babegateko okusinga okubeera nkubo nga batankana gye baggwa