Omukazi agambibwa okutta bba ng'amuteeberezza okufuna omukazi omulala poliisi emuyigga

POLIISI eyigga  omukazi agambibwa okufumita bba ebiso ebimusse, ng'amuteebereza okuganza omukazi omulala.

Ettemu libadde ku kyalo Sitira mu muluka gwa Soono mu ggombolola y'e Bukokho  e Namisindwa , Shamim Nandutu gy'agambibwa okufumita bba Enock Makoona 28 ekiso ekimusse . Abadde musajja mulimi.

Kigambibwa nti Shamim yalondoodde bba eyabadde mu Sitira trading centre, n'amuwalaawala ng'amuzza awaka nga n'ekyaddiridde batuuze kusanga mulambo nga guliko ebiwundu eby'amaanyi .

Ssentebe wa LC1 mu kitundu ekyo, Samuel Sikuku, atemezza ku poliisi n'eggyawo omulambo okugwekebejja nga bwe bayigga Shamim ayambeko mu kunoonyereza.

Omwogezi wa poliisi e Mbale, Rogers Taitika, ategeezezza nti baludde nga balina obutakkaanya , ng'omukazi alumiriza bba , okufunayo omukazi omulala, gw'abadde agenda okuwasa nga kiyinza okuba nga kye kivuddeko ettemu.