Office ya Ssentebe wa NRM egenda kugaba ensigo z'akasooli kkiro omutwalo mulambba ku bwereere
OMUWABUZI wa Pulezidenti omukulu ku by'obulimi Rose Kabagyenyi yegasse ku akulira offiisi ya ssentebe wa NRM mu ggwanga Hajat Hadijah Namyalo okudduukirira bannayuganda abali mu bulimi ne nsigo za kasooli kilo omutwalo mulamba.
Akulira Office ya Ssentebe wa NRM Hadijah Namyalo ng'annyonnyola ku nsigo z'akasooli ezigenda okugabwa
By Joseph Mutebi
Journalists @New Vision
OMUWABUZI wa Pulezidenti omukulu ku by'obulimi Rose Kabagyenyi yegasse ku akulira offiisi ya ssentebe wa NRM mu ggwanga Hajat Hadijah Namyalo okudduukirira bannayuganda abali mu bulimi ne nsigo za kasooli kilo omutwalo mulamba.
Ensigo z'akasooli ezigenda okugabwa 
Kabagyenyi yakwasizza Namyalo ensigo za kasooli okumuyambako okugituusa ku balimi mu bitundu bya Uganda ebyenjawulo kiyambe bannayuganda okusobola okweggya mu bwavu.
Kabagyenyi yagambye nti offiisi ye evunannyizibwa okutuusa ku bannayuganda ensigo za birime ne kalonda omulala agwa mu byobulimi era amaze ebbanga ddene nga azigabira abalimu mu bitundu bya Uganda ebyenjawulo omuli disitulikiti za Ankole, Ssembabule, Masaka n'awalala
Ensigo ezigenda okuweebwayo eri Bannayuganda ku bwereere
Wabula bakizudde nga alina okukolagana ne Hajjat Namyalo okusobola okumuyambako okutuusa ensigo zino mu bitundu by’e ggwanga ebyenjawulo kubanga offiisi ye erina offiisi mu buli kitundu kya Uganda.
Namyalo yagambye nti bwava ku mukolo e Kololo enkya amangu ddala agenda kutandiika okutwala ensiigo eno mu bitundu bya Uganda ebyenjawulo nga agigaba ku bwereere.