Mubajje avumirdde ebikolwa eby'ekitujju ebyeriisizza enkuuli mu ggwanga

MINISITA wa Kampala Hajjati Minsa Kabanda asabye mufuti wa Uganda n’obukulembeze bw’Obusiraamu mu ggwanga okuvaayo banoonyereze ku nsonga za Basiraamu abaasasula ssente zaabwe okugenda e Mecca okukola Hijja ne bakomezebwa ku kisaawe ky’ennyonyi Entebbe abakikola baddize abantu ssente era bakangavvulwe.

 Bino Kabanda yabyogeredde ku muzikiti gwa Old Kampala bwe yabadde akiikiridde katikkiro wa Uganda, Robinah Nabbanja ng’omugenyi omukulu mu kusaala kwa Eid Adha eggulo.

Hajjati Minsa Kabanda N'ayogera Eri Abasiraamu.

Okusaala kwakulembeddwa mufti wa Uganda Ramadhan Mubajje, eyavumiridde ebikolwa eby’ekitujju ebikolebwa ennaku zino naddala ebyakolebwa ku bayizi b’essomero e Kasese wamu n’abeebiijambiya abaatemyetemye abantu e Masaka omwafiridde abantu mukaaga abaffamire emu.

Mubajje akubirizza Abasiraamu okusala ebisolo nga bajaguza Eid eno enkulu era n’abategeeza nti okufuna empeera enzijuvu bagabanne n’abalala Abasiraamu n’abatali.

Mufuti Mubajje Ng'akulembeddemu Okusaala (1)

Ono era asabye gavumenti okwanguya ku nteekateeka y’okussa ssente mu banka y’Obusiraamu kisobozese Abasiraamu okuziggyayo beekulaakulanye kubanga ez’enkola ya PDM z’Obusiraamu olw’ensonga nti zassibwaako akawayiiro k’okussaamu amagoba ate nga kakontana n’eddiini.

Okusaala kwetabiddwamu abantu bangi abaayambadde ne batonnya mmooli era nga n’abeebyokwerinda baababadde bazooka kwaza buli muntu ayingira n’okuyita mu kuuma okusobola okwetangira abatujju.

Omusirikale Ng'ayaza Abayingira.