Amawulire
Mmotoka eyabbiddwa mu Bukuya e Kassanda bagikwatidde Matugga n'abantu 3 abagambibwa okugibba
Muzamiru Sserugo nnyini mmotoka eno Canter nnamba UBE 438L, omusango yaguloopye ku poliisi e Bukuya nayo eyatandikiddewo okunoonya oluvannyuma lwa ddereeva waayo Habibu, okugireka ku MM Garagi mu kabuga k'e Bukuya we yabadde agisuzizza.
Mmotoka eyabbiddwa mu Bukuya e Kassanda bagikwatidde Matugga n'abantu 3 abagambibwa okugibba
By: Godfrey Kigobero, Journalist @New Vision
EMMOTOKA eyabbiddwa okuva e Bukuya Kassanda, poliisi egikwatidde Matugga n'abantu basatu abagambibwa okuba mu lukwe lw'okugibba.
Muzamiru Sserugo nnyini mmotoka eno Canter nnamba UBE 438L, omusango yaguloopye ku poliisi e Bukuya nayo eyatandikiddewo okunoonya oluvannyuma lwa ddereeva waayo Habibu, okugireka ku MM Garagi mu kabuga k'e Bukuya we yabadde agisuzizza.
Ddereeva yabadde ava kugikozesa mirimu e Lubaali nti kyokka ne bagibba nga bukya ku ssaawa 9:00 nti n'oluvannyuma abaserikale ne bagikwatira e Matugga era abantu basatu abaagibaddemu ne babaggalira .
Omwogezi wa poliisi mu Wamala, Lameck Kigozi, agambye nti , bagenda kubaggya ku poliisi e Matugga okubazza e Kassanda, babitebye.