Mmotoka esse omuvubuka agambibwa okugyesuulamu e Mbale!
Poliisi e Mbale eri mu kubuuliriza ku bigambibwa nti waliwo omuvubuka abuuse ne yeesuula mu kkubo, mmotoka n'emulinnya n'afa.
Mmotoka esse omuvubuka agambibwa okugyesuulamu e Mbale!
By Musasi Bukedde
Journalists @New Vision
Poliisi e Mbale eri mu kubuuliriza ku bigambibwa nti waliwo omuvubuka abuuse ne yeesuula mu kkubo, mmotoka n'emulinnya n'afa.
Abatuuze bawuniikiridde omuvubuka ow'emyaka 25 Charles Kuyiya, bw'agudde mu mmotoka Ipsum nnamba UAP 157 L ebadde evugibwa Jeremiah Wepukhulu 43 n'emulinnya n'amutta.
Bibadde ku kyalo Namuwekeke ku luguudo oluva e Manafwa okudda e Lwakhakha, Kuyiya gy'agambibwa okuba nti abadde ayimiridde ku mabbali kwe kubuuka ne yeesuula mu kkubo , mmotoka n'emulinnya n'afiira mu ddwaaliro e Mbale.
Omwogezi wa poliisi e Mbale Rogers Taitika , ategeezezza nti omugenzi abadde mulimi era omutuuze w'e Butta mu muluka gw'e Bumusumali mu ggombolola y'e Bukalu e Bulambuli.