Maama wa Lady Grace yakomye okwogera naye ku Lwokusatu akawungeezi ; okufa kwe yakutegeeredde ku leediyo!

Ono baamuwadde ekitanda mu ddwaliro e Mulago gy’ajjanjabirwa olvannyuma lw’okumenyeka okugulu.

 Alimpa amanyiddwa nnyo mu kisaawe ky’okuyimba olwa kayimba ke  ke yakuba ng’waana Uganda mwe yayimbira ku lusuku lwa Seminti  mw’osanga amatooke amawaate.

Namatovu, maama w'omugenzi Lady Grace ng'ayaziirana n'omu ku booluganda ku ddwaaliro e Mulago.

 Omuyimbi ono ne banne abalala mukaaga  baagudde ku kabenje bwe baabadde bavuga mmotoka yaabwe  ekika kya Wish  eyalemeredde ddereeva okukkakkana ng’abagirimu bayisiddwa  bubi.

 Abadduukirize baasobodde okutaasa abaabadde mu mmotoka eno  kyokka olwabadde okubatuusa e Mulago ababiri ku bo ne bafa ne wasigala  basatu oluvannyuma  lw’omu okubanga  teyasoose  kummanyika  wag ye  yabadde agudde.

Omuyimbi Ndugga ku ddwaaliro e Mulago.

 Omuyimbi Hassan Ndugga eyabadde ku kkubo lye limu ery’e Ssemuto akabenje kano kwe kaagudde yategeezezza nti emmotoka omwabadde abayimbi bano baayisinganyiza  nayo  mu kkubo kyokka nti  babadde baakamala okubaleka  ebbanga  lya  ddaakika ng’asatu  ne babakubira nti bafunye obuzibu nga bagaala buyambi bwabwe.

Omu ku baabadde mu mmotoka eyasimattuse.

 Oluvannyuma  abantu mukaaga  baaasise mu mmotoka babaddusa e Mulago  wabula  we baatukidde ng’embeera yaabwe eyongedde okwonooneka era Lady Grace eyayimba  ‘Layira’ n’omulala omukubi wa ggita amanyiddwa nga Saidi  Kabuye  bafudde.

 Omulala eyazuuliddwa yategeerekeseeko lya Kamulegeya ng’ono ko mmannya yazuuliddwa poliisi mu kifo awangudde akabenje  nga mufu naye natwalibwa eMulago mu ggwanika.

Alimpa mu ddwaaliro.

Harriet Namatovu, maama wa Lady Grace yategeezezza nti akabenje kano yakawulidde ku leediyo emu ng’eranga muwala we nga bw’afiiridde mu kabenje e Semuto n’ategeeza nti baasembye okwogerezeganya  naye  ku Lwokusatu akawungeezi ng’amutegeeza nga bw’agenda okuyimba e Semuto gy’alina ekivvulu  ne banne abalala.