Maama ne muwala we bakwatiddwa ku by'okwokya ennyumba omubadde bba n'afiiramu!

Maama ne muwala we, bakwatiddwa poliisi ku bigambibwa nti baateekedde ennyumba omuliro omubadde bba, n'afiiramu.

Poliisi etandikiddewo okunoonyereza ku Justine Wanasolo 56 gwe bookedde mu nnyumba era nga mu kiseera kino, poliisi ekutte mukazi we Deborah Nadunga ne muwala we Emily Namakata  okuyambako mu kubuuliriza.

Ettemu libadde ku kyalo Tubana cell mu muluka gw'e Bwikhonge mu disitulikiti y'e Bulambuli ekiro, era nga mu kiseera kino, omulambo gutwaliddwa mu ggwanika ly'eddwaliro Muyembe Health Centre  4 okwekebejjebwa.

Omwogezi wa poliisi e Mbale Rogers Taitika, agambye nti waliwo ebibuuzo bingi ku ttemu lino, ebyetaagisa okunnyonnyola ye nsonga lwaki bakutte maama ne muwala we,  bayambeko okunnyonnyola.