KCCA yegaanyi eby'okuwaayo ettaka eri ba yinvesita

MINISITULE ya Kampala etegeezezza nga bwetamanyi nti ekitongole kya KCCA  kyasaba palamenti olukusa okuwaayo ebibanja byayo bibiri okuli n’eryali ery’okuzimbako ekkulakulanyizo ly’abavubuka ku liizi eri b aba yivensita.

Munsisinkano abakozi ba minisitule ya Kampala gyebabaddemu n’akakiiko okwekenenya alipoota ya ssaababalirizi w’ebitabo, ssentebe w’akakiiko Muwanga Kivumbi ategeezezza nti KCCA omwezi oguwedde yategeezza palamenti nga bwegenda okuwaayo erimu ku ttaka lyawo e Nakawa eryali ery’okuyamba abavubuka kyagambye nti kiviriddeko bannansi okutaganyulwa mu byabwe.

Mukunyonyola ku nsonga eno, omuwandiisi mu minisitule ya Kampala Monica Edemacu ategeezezza nti ministule terina lukusa kuwaayo ttaka lyayo  nga tesoose kwebuuza ku palamenti era nti bino abitegedde kati nasaba akakiiko okumuwa akadde okunonyereza abaddire.

 Kinajjukirwa nga 1 April, akulira ekitongole kya KCCA yawandiikira palamenti nga asaba ekirize baweeyo erimu ku ttaka ku liizi okuli Plot 2, Kenneth Close e Kamwokya, Plot M731, Old Kira Road, Plot M880, Spring Road, Plot 406, Namirembe, Plot M69 ne M70 e Lugogo nti mujja kuvamu ssente okubanyamba okuddukanya emirimu.

Wabula palamenti yakirizako liizi ziweebwe ku ttaka lya mirundi ebiri gyokka era nga kino kyaviirako ababaka ku ludda oluvuganya naddala abava mu Kampala okwecwancwana nebatandiika okusonga mubannabwe enywe nti bagala kwezza ttaka lino