Eyagenda okulya mu kirabo ky’emmere n’abba ssente akaligiddwa emyezi ebiri
OMUVUBUKA eyagenda mu kirabo ky’emmere okufuna ekyokulya n’abba ssente z’omukazi, kkooti emusingisizza okugw’obubbi oluvannyuma lw’okukkiriza omusango n’akaligibwa ku meere e Luzira yeebakeyo emyezi ebiri abonerere.
Derrick Kangume
Bya Peter Ssuuna
OMUVUBUKA eyagenda mu kirabo ky’emmere okufuna ekyokulya n’abba ssente z’omukazi, kkooti emusingisizza okugw’obubbi oluvannyuma lw’okukkiriza omusango n’akaligibwa ku meere e Luzira yeebakeyo emyezi ebiri abonerere.
Derrick Kangume 20, mutuuze wa Kabaawo zzooni mu muluka gw’e Mutundwe mu Lubaga y’asingisiddwa omusango gw’obubbi, omulamuzi Amon Mugezi n’amusindika mu nkomyo.
Kyazuuliddwa nti, nga June 26, 2022 e Mutundwe, Kangume yagenda mu kirabo ky’emmere ekya Angela Namanda okugula emmere era bwe yaweebwa ekyokulya, Namanda n’afuluma wabweru ng’amaze okuteeka ssente ze emitwalo 450,000 mu nsawo.
Derrick yalaba Angela afulumyemu ebweru okwoza ebintu, n’abba ssente ze yalaba nga ziterekebwa n’alekawo ne ebyokulya n’adduka.
Namanda yakizuula nga ssente taziraba ate nga mu kirabo yaleseemu omuntu abuzeewo, yamugoberera okutuusa poliisi bwe yamukwata n’aleetebwa mu kkooti n’akkiriza omusango.
Bwe yabuuziddwa oba ssente akyazirina yategeezezza nti zagwaawo naye asaba kkooti emusonyiwe.
Omulamuzi Mugezi yamusindise mu kkomera e Luzira yeebakeyo emyezi ebiri aveeyo ng’aboneredde olw’ebikolwa eby’obubbi ebisusse ensangi zino mu bavubuka.