Essomero lya St. Cyprian High School, Kyabakadde, litongozza omusomo ogw’okujjukira omugenzi Cyprian Kizito Lwanga

Essomero lya St. Cyprian High School, Kyabakadde, litongozza omusomo ogw’okujjukira omugenzi Ssabasumba Dokita Cyprian Kizito Lwanga, ogujja okubangawo buli mwaka. Ssaabasumba Lwanga yemutandisi w’essomero lino, era nga bweyali tannafa, yeyali omuyima waalyo.

Omukolo gwabadde ku ssomero lino e Kyabakadde, mu Gombolola y’e Kyampisi, mu disitulikiti y’e Mukono, ku Ssande (April 3, 2022).

Omusomo ogwasoosedde gw’ategekeddwa era ne guweebwa Faaza Joseph Wamala, ng’ono ye mutabani w’omugenzi Ssaalongo Wamala, eyali muto wa Ssabasumba.

Sp 7

Bweyabadde asomesa, Faaza Wamala y’alambuludde obuzaale bwa Ssabasumba Lwanga, okusoma kwe, engeri gyeyafuna Obusaseredooti n’Obwepiskoopi, n’ebintu eby’amaanyi byeyakolera Klezia n’eggwanga, omuli okuzimba amasomero, amalwaliro n’amasinzizo, okutandika ebibiina by’obwegassi, okutandikira abantu ppulogulaamu z’okwekulaakulanya, okuzimba ebigwa eky’e Munyonyo n’eky;e Namugomgo, Okuzimba, okugaziya n’okuyooyota ebizimbe by’e Lubaga, okukyaza Paapa Franncis, n’ebirala bingi.

Bweyabadde ayigiriza mu mmisa, oluvannyuma lw’omusomo, Faaza Dokita Lazarus Luyinda, eyavudde mu Seminario Enkulu eya Maria e Ggaba, y’asabye Abakristu okuteeka mu nkola omugenzi Dokita Lwanga byeyayigirizanga, n’ebyeyalwaniriranga, ate n’okulaba nga pulojekiti zeyakolera abantu zigenda mu maaso.

Sp 8

“Ssabasumba Lwanga y’atuva ku maaso, naye akyali naffe. Tumulabira mw’ebyo byeyakola, nga mw’ebyo mwemuli n’essomero lino erya St. Cyprian High School, Kyabakadde,” Luyinda bweyategeezezza.

Kumukolo guno gwegumu, aba St. Cyprian High School Kyabakadde baasabidde abagenzi bonna abaaweererezaako mu ssomero lino, nga mubano mwemwabadde n’abaaliko ba Zachary Kayizzi.

Sp 9(1)