Essomero lya One Heart Junior School okuva e Busiika likukumbye engule mu mpaka za kkwiizi wa Bukedde

AMASOMERO okuva mu disitulikiti z’omubyalo geerisizza nkuuli mu mpaka za kwiizi wa Bukedde oluvannyuma lwa One heart Junior School okuva e Busiika mu disitulikiti y’eLuweeo okukumba engule ezisinga obungi.

Lino liddiriddwa essomero lya  St.Cecillia boarding p/s Buyamba okuva mu disitulikiti ye Rakai ate erya Hill View ne Likwata kya kusatu, St. Marys Nakifuna ne Likwata kyakuna olwo Trinity  Love ne likwata eky’okutaano.

Akulira Vision Group Don Wanyama ng'ali n'abawanguzi

 Amasomero gonna okuva ku lisooka okutuuka ku ly’okutaano gaawereddwa engule n’ebirabo okuva mu kampuni Chapa General Enterprises nga bama bebakola Prestige Margarine okugasiima olwo abayizi n’abasomesa ne bafa essanyu.

Akulira Kampuni ya Vision Group Don Wanyama yeyakwasiza essomero eryasinze gannaago engule era n’alisiima olw’obumalirivu n’okwagala kweryalaze mu mpaka zino. Bano mu ngeri ey’enjawulo yabawadde shs 300,000/= ng’akasiimo olw’okuwangula.

Micheal Mukasa Ssebbowa omukungaanya w’Olupapula lwa Bukedde yeyakwasiza essomero lya St. Cecillia Boarding Primary School Buyamba ery’akutte eky’okubiri engule era n’alisiima ak’ensusso okuwagira entakira kwiizi wa Bukedde.

Essomero lino lyeryawangula empaka za kwiizi ez’asembayo mu mwaka gwa 2019 ng’eggwanga terinagenda mu muggalo gwa corona.

Yassin Kazibwe kitunzi wa Prestige Margarine nga bano bebaawaddeyo ebirabo ebyawereddwa abawanguzi yasiimye Bukedde olw’okuwagira eby’enjigriza naddala ebya pulayimale ng’eyita ku katabo ka Pass PLE kyeyagambye nti kiyambye nnyo abayizi okuyita ebigezo byabwe eby’akamalirizo.

Akulira Vision Grp Don Wanyama ng'ayogerako n'abaana abeetabuye mu mpaka za Kkwiizi wa Bukedde

Amasomero amalala ag’etabye mu mpaka zino kuliko Kifampa Model, Blue Tick School, Clareb P/S, Malaba Integrated, Railway Children P/s, Victor Arch Junior School, High Field P/S, Mpererwe P/S, St. Peters Nsambya, Victor Junior, Madinah Islamic, Godwin’s Infant, Ssesanga Nursery and Primary School.

Amalala kuliko St. Anthony Bukasa, New Kabaale Busega, St. Theresa Namilyango Girls, New Eden Junior, Yet Happy Kids, Adam and Hawah Islamic, Adonai Junior School, Dream Africa, Revival Junior School. Mt. Elijah Junior School, Cosna P/S, Charity P/s, Akaliba Akendo Academy, Jerico Junior School, Parents Pride Junior School, Quality Junior School Bukomero, Nsangi Nursery and Primary School ne Dinadona Preparatory School.

Abayizi bano baavuganyiza mu masomo okuli Olungereza, Okubala, Sayansi ne SST era obwedda babuuzibwa abasomesa abakugu.