Emmaali y’omugagga wa Mabiriizi Complex;Etutte Nnamwandu n’omusika mu kkooti

OMUGAGGA Godfrey Mabiriizi eyali owa Mabiriizi Complex ku Kampala Road ne Nalubega Arcade ku Bombo Road, yafa nga February 25, 2014 n'aziikibwa nga February 27, 2014 e Namagoma ku lw’e Masaka.
Yaleka akoze ekiraamo ekikakali kya miko 13 mu bannamateeka aba Muhimbura & Co. Advocates era kyasomebwa eri abooluganda n'abaana nga waakayitawo wiiki ssatu ng'omugenzi bwe yali yalaama.
Ekiraamo kino omusasi kye yalabyeko, Mabiriizi yagabanya emmaali ye mu baana be okuva ku mukulu okutuuka ku asembayo buli omu n'amuwa emigabo ne bakyala be ababiri okuli Winnie Nakyejjwe Mabiriizi ow’e Naggulu ne Ruth Mabiriizi eyali abeera e Bugoloobi (ono kati yafa).
Yasooka kusengeka baana b'alina n'abakyala ababazaala n'alaga ebyobugagga by'alina n'amabanja ga bbanka era n’awa n'amagenzi ku ngeri gye balina okufunamu ensimbi okugasasula.
Mabiriizi yamala omwezi gumu e Nairobi ng’ajjanjabwa mukyalawe Winnie Mabiriizi.
Yalina kkampuni ssatu okwali Mabiriizi Properties Ltd, Mabu Commodity Ltd, ne Mabwiz Company Ltd. ng'eno yagirimu ne mukyala we nnamba bbiri, Winnie Mabiriizi, mwe yasinziiranga okuddukannya bizinensi.
Bwe yali agabanya ebintu mu kkampuni ze zino zennyini mwe yasinziira ng'akola ekiraamo kye n'agabanya emigabo wakati mu baana be ne bakyala be ababiri.
ENGERI GYE YAGABANYA EMIGABO MU BAANA N'ABAKYALA
Ensonda mu ffamire ya Mabiriizi zaategeezezza omusasi ono nti omufu yali yaakamala ennaku 30 mu ttaka ekiraamo kye ne kikyusibwa abamu ku ba ffamire abataamatira na ngeri gye yagabanyaamu emmaali ye. Kigambibwa nti abamu ku baana abato baggyibwako egimu ku migabo gyabwe mu ngeri ey'amankwetu.
Ekiraamo kino Mabiriizi yakikolera mu bannamateekabe nga June 25, 2010 n'akikakasa nti kye kisembyeyo mu bulamu bwe era kimenyeewo ebirala byonna bye yasooka okukola.
Mu kiraamo kino, asooka kweyanjula nti ye Godfrey Mabiriizi omutuuze ku poloti 15 Bandali Close Bugoloobi mu Kampala. Agamba nti kino kimenyawo kye yali akyasembyeyo okukola nga September 3, 2007. Era n'akikakasa nti akikoze ategeera awatali amukase.
Mabiriizi agamba nti yazaalibwa Elukana Kayongo ne Ruth Nalubega nga March 13, 1962 mu ddwaaliro e Mulago nga musajja Muganda ow'e kika ky'Ekkobe nga Mukristaayo.
4 Bukedde
Lwakuna March 23, 2023
AMAWULIRE
Etutte Nnamwandu n’omusika mu kkooti
Agamba nti yasooka n'awasa omukyala Ruth Mabiriizi mu bufumbo obutukuvu era ne bazaala abaana bana kyokka oluvannyuma ne baawukana nga bafunye obutakkanya era n'amuleka mu maka gaabwe ag’e Bugoloobi n'abaana.
Mabiriizi agamba mu ddaame lye lino nti bwe yafuna obutakkaanya ne Ruth, yawalirizibwa okufuna omukyala owookubiri, Winnie Nakyejwe Mabiriizi n'amwanjula mu bazadde be era ne bazaala abaana basatu. Agamba nti singa aba avudde mu bulamu bw'ensi Winnie alina okutwalibwa nti mukyalawe omutuufu wadde ng'obufumbo bwabwe si bwa mu Kkanisa.
ABAANA NGA BWE YABASENGEKA
1 Eddy Ssentumbwe azaalibwa Teddy Nabawanuka
2 Everlyn Namale azaalibwa Teddy Nabawanuka
3 Sandra Nantubwe azaalibwa Ruth Nassiwa
4 Samalie Nambooze azaalibwa Ruth Nassiwa.
5 Stuart Mabiriizi azaalibwa Ruth Nassiwa.
6 Marvin Nsereko azaalibwa Jane Naiga
7 Sonia Nalubega azaalibwa Ruth Nassiwa
8 Malcom Kayongo azaalibwa Winnie Mabiriizi.
9 Mishell Nakayiwa azaalibwa Winnie Mabiriizi
10 Marina Mbatudde Mabiriizi azaalibwa Winnie Mabiriizi.
Mabiriizi agamba nti alonze Stuart Mabiriizi okuba omusika we mu nkola ey'Ekiganda.
BANO BE YALONDA OKULONDOOLA
BULI EKIRI MU KIRAAMO
l Edward Kakembo
l Apolonia Mugumbya
l Edmond Nsereko
l Patrick Serusa
l Benon Kyeza
l Justine Mbuliro
l Eva Muwemba
l Paul Muhimbura (looya)
BANO YABALONDA OKUBA ABAKUZA
l Edmond Nsereko
l Michael Nkalubo
l Eva Muwemba
l Apolonia Mugumbya
l Julius Sebuliba
EBYOBUGAGGA BYE YABIRAMBIKA
1 Poloti 15 Bandali Close Bugoloobi ge maka gange amakulu ga mukyala wange asooka Ruth n'abaana be.
2 Poloti 17 e Naggulu ku East Road ewali amaka ga mukyala wange owookubiri Winnie Nakyejjwe Mabiriizi.
3 Poloti 47A, 74 ne 74A nga zonna ziri ku Kampala Road.
Mabiriizi agamba nti mu kiseera we yakolera ekiraamo kino, amaka g’e Naggulu yali yagasinga mu bbanka ng'azimba Mabiriizi Complex ku Kampala Road era n'akubiriza abaliba basigadde mu bintu bye okusooka okuganunula nga tebannakola kintu kirala. Yakikkaatiriza nti amaka gano bwe gamala okununulwa ekyapa kidde butereevu mu mannya ga Winnie Nakyejjwe Mabiriizi.
4 Agamba nti alina ekyapa kya ffamire we baziikibwa nga kiri ku poloti 113 bulooka 328 e Namagoma okumpi ne Kampala.
5 Mmotoka Tata UAN 090F, Isuzu UAG 591P ne, Benz.
5 Emigabo 60 mu kkampuni ya Mabiriizi Properties Ltd. esuubula wabweru w'eggwanga.
6 Emigabo 5,400 mu kkampuni ya M/S Mabu Commodity Ltd. nga nayo eddukanya bizinensi ze.
7 Poloti 47A. Kampala Road.
8 Poloti 74, Kampala Road.
9 Poloti 74A Kampala Road.
6 Poloti 19 ku William Street.
ENGERI GYE YAGABANYAMU EMMAALI
l Amaka gange ag’e Bugoloobi ga mukyala wange omukulu Ruth Nassiwa n'abaana be.
l Amaka gange age Naggulu ga mukyala wange Winnie Nakyejjwe Mabiriizi n'abaana be.
l Emigabo gyange 60 mu kkampuni ya Mabiriizi Properties Ltd. njigabanyizza bw’enti mu baana bange n'abakyala;
1 Sonia Nalubega emigabo 6
2 Malcom Kayongo 6
3 Mishell Nakayiwa 6
4 Marina Mbatudde 6
5 Eddie Ssentumbwe 4
6 Evelyn Namale 4
7 Sandra Nantumbwe 4
8 Samalie Nambooze 4
9 Marvin Nsereko 4
10 Stuart Mabiriizi 4
11 Ruth Mabiriizi 4 (mukyala)
12 Winnie Mabiriizi 8 (mukyala)
EMIGABO. 5400 gye yalina mu Mabu Commodity Ltd. Yagyigabanya bwati;
l JEddie Ssentumbwe 532
l Evelyn Namale 532
l Sandra Nantumbwe. 532
l Samalie Nambooze 532.
l Marvin Nsereko 532
l Sonia Nalubega 544
l Mishell Nakayiwa 544
lMarina Mbatudde 544
l Malcom Kayongo 544
l Ruth Mabiriizi 214 (mukyala)
Winnie Mabiriizi 350 (mukyala)
Mabiriizi agamba nti b’awadde emigabo nga tebannagitwala, balina okusooka okusasula amabanja gonna agamubanjibwa nga bakozesa ensimbi eziva mu bizimbe bye.
Mabiriizi yafundikira ekiraamo kye ng'ayagala aziikibwe ku biggya bya ffamire ye e Namagoma era kino kyatuukirizibwa. Nga February 27, 2014.
Kati Namwandu Winnie alumiriza nti bino Omusika si by’agoberedde era omusango guli mu kkooti y’amaka e Makindye