Ekyuma kya sukaali kituze omukozi e Buikwe

Wabaddewo akasattira mu kkolero lya sukaali, omukozi bw'akubiddwa ekyuma n'afa nga yaakatuusibwa mu ddwaaliro e Jinja.

Bino bibadde mu kkolero lya Mayuge Sugar Industries Ltd mu Steel Division e Njeru mu Buikwe , ekyuma bwe kisse Derick Ocaya.

Kigambibwa nti Ocaya abadde asindika ebyuma mu ttanuulu esaanuusa,ekyuma kwe kuwanukayo ne kimukuba.

Atwaliddwa mu ddwaaliro e Jinja ng'embeera mbi era babadde bakamutusaayo n'afa.

Omwogezi wa poliisi mu Ssezzibwa Hellen Butoto ategeezezza nti okunoonyereza kugenda mu maaso.