Ekitongole ky'amakomera kigobye abaserikale baakyo 27!

ABASERIKALE b'amakomera 27, bagobeddwa mu kitongole ekyo, oluvannyuma lw'okulemererwa okukola emirimu gyabwe obulungi n'okweyisa obubi.

Bana ku bano,  babadde balemereddwa okukola emirimu gyabwe, 16, bagobeddwa lwa kutoloka , 12 babadde n'empisa ensiiwuufu era nga babagobedde mu  kkanso ya Prisons eya 35 eyatudde nga Dec 9 omwaka oguwedde.

Omwogezi w'ekitongole kino, Frank Baine, ategeezezza nti ku abo, abaagobeddwa, kwe kuli ne Lawrence Ampe, olw'obutabeera na mpisa era ne bamulabula yonna gyali, okukuuma ebyama by'ekitongole, nti kuba nagwo guba musango okubyasanguza.

Baine asabye abaserikale okwongera okukola emirimu gyabwe mu bulambulukufu, n'okwewala ebintu ebiyinza okuvaako okugobebwa mu kitongole.

Agasseeko nti leero bazzeemu okukkiriza abagenyi, okukyalira abasibe baabwe okutuusa nga January 13.

Ayongeddeko nti okuva nga January nga 14, 15 ne 16 , okukyalira abasibe kujja kuyimirizibwa okutuusa ng'okulonda kuwedde , olwo , baddemu nga Janaury 17,2025.