Bannannyini makampuni basabiddwa okkubiriza abakozi baabwe okwettanira Tekinologiyar

Abakozesa mu mirimu  egy’enjawulo basabiddwa okwongera okubangula abakozi baabwe mu bukodyo bwa tekinologiya, basobole okutuukana n’obwetaavu bw’emirimu ensi kweddukira okusobola okugikuza.

okuva ku kkono; Dr Kumar Pradeep dayirekita webyenjigiriza ku ISBAT, akulira abakozi mu NSSF Milton Steven Owor n'amyuka cansala wa ISBAT Univasite Pulof Mathew Kattampackal mu lukungaana

Byogeddwa Milton Steven Owor akulira abakozi mu kitongole kya NSSF, abadde omugenyi omukulu mu lukungaana lw’abakulira abakozi (HR Breakfast) olutegekeddwa univasite ya ISBAT  ku kitebe kyayo ku Lugogo bypass, okubangula abakulira abakozi ku byetaagisa mu nsi y’emireimu ensanji zino.
Olukungaana luno lwetabiddwaamu abakulira abakozesa okuva mu makampuni n’ebitongole eby’enjawulo okuli; UCC, NSSF, Bank of Uganda n’abalala bangi.

Akulira abakozi mu NSSF Owor agamba nti, ebbanga ddene abakulira abakozi babadde tebalowoozebwako ate nga bakola kinene okuyimirizaawo entambula y’emirimu gya kkampuni oba bizinensi ez’enjawulo,  neyeebaa ISBAT univasite olwenteekateeka eno.
Agamba nti okusinziira ku misinde ensi  kweddukira,  abakozi beetaaga okuyambibwa okufuna obukodyo bw’omulembe gwa tekinologiya basobole okusitula bizinensi, ebitongole n’amakampuni gebakolera.
Bamanye ebizibu byebalina ate babifuule emikisa nga babifunira eby’okuddamu ebireetawo ate emikisa gy’okufuna n’okukuza emirimu gya bakama baabwe, kubanga kati weesanga ng’ebizibu by’omwaka guno ate byawukana  neby’omwaka oguwedde.

Abamu ku bakulira abakozesa mu lukungaana

N’ategeeza nti, tekinologiya naddala AI ne Automation byefuze bizinensi kati, atabimanyi oba osigalidde,  naakowoola abakulira abakozesa okuyamba abakozi  okubatendeka obukodyo obwetaagisa mu mirimu ensanji zin.
Ate bakomye okutunuulira amabaluwa omuntu g’alina nga; diguli, masters n’endala, wabula batunuulire obumanyi omuntu oyo bwalina mu mulimu ogwo, ate babeere nga bongera buli kiseera okubangula abakozi kuba kati ensi ekyuka nga budde.
Amyuka cansala wa ISBAT Univasite pulof. Mathew Kattampackal yeebazizza minisitule yeby’enjigiriza okuleeta enkola ya Competence Based Training (CBT)  mu byenjigiriza, gyagambye nti,  eyambako ab’amasomero okutendeka omuyizi asaanidde mu nsi y’emirimu, ssi kumusomesa kufuna diguli oba dipuloma kyokka.

Dr Kumar Pradeep dayirekita weby'enjigiriza ku ISBAT Univasite

Kubanga  ekyo ebbaluwa y’obuyigirize yokka temala, omuyizi yeetaaga okutuukana nebyetaagisa  mu nsi  y’emirimu gy’alaga,  nti era bbo nga UISBAT  batendeka abayizi abajjudde abayaayanirwa mu nsi y’emirimu kuba baawa obukodyo obusaanira,  obubayamba okutuukana n’ebyetaago by’emirimu gyebalaga nebayayaanirwa ate nabo okutandikawo egyabwe.

Dayirekita weby’enjigiriza ku ISBAT univasite Dr Pradeep Kumar agambye nti, wadde abantu bangi kati balaba nga tekinologiya amazeewo emirimu,  nti naye ssi bwekiri, abantu beetaaga kukyusa mbeera  kubanga enswa bwekyusa amaaso nga naawe okyusa envubo,  beetaaga kukyusa mu nkola baasobole okutuukana nebyetaago by’emirimu ebiriwo ensanji zino.
Asabye abakozesa okwongera okutabagana n’abakozi,  bamanye  byebeetaaga okukola obulungi emirimu gyabwe,  kubanga kati ensi eri mu kukyuka, nabo beetaaga okukyusa okutuukana n’omutindo gw’abakozi abeetaagisa.

Vice Chancellor wa ISBAT Univaste Pulof Mathew Kattampackal

Oluvannyuma bano banywedde ka kyakyayi n’okukubaganya ebirowoozo  ku bikwatagana ku mirimu, abakozi n’abakozesa,  era bangi nebategeeza nti abakozi beebafuna kati ba njawulo nyo ku bwetaavu bw’emirimu gyebakola.
 Nebalaajanira ab’amatendekero ga waggulu abafulumya abakozi okubayamba okutendeka abayizi baabwe okusinziira ku byetaago by’abakozesa wabweru gyebagenda okukolera,  okusinga okubasomesa obusomesa okufuna zi diguli.

Akulira abakozi mu kitongole kya NSSF ngayogerako eri abakulira abakozi mu lukungaana

Christine Matovu okuva mu Bank of Uganda  ategeezezza nti, tekinologiya naddala AI alina engeri gyatabuddemu emirimu,  ate nga mu mirimu mingi nga zi bbanka, za bwerinde nyo, gyetaaga obwegendereza obungi, kuba w’okolera ensobi ofiiriza bakama bo kingi, nti kale obuklodyo basaana babubatendekere mu masomero gyebava.