Bannamawulire balaajanidde Pulezidenti Museveni ku byeyabasuubiza
May 07, 2024
BANNANAWULIRE mu Wamala Region balajanidde Pulezidenti Museveni okubawereza mmotoka gye yabasuubiza ebayambeko mu kuddukanya pulojekiti zaabwe.
Moses Semuyaba munnamawulire ng'ayogera
BANNANAWULIRE mu Wamala Region balajanidde Pulezidenti Museveni okubawereza mmotoka gye yabasuubiza ebayambeko mu kuddukanya pulojekiti zaabwe.
Bano nga bakulembeddwamu pulezidenti waabwe Moses Semuyaba bagamba nti Pulezidenti Museveni yabasuubiza mmotoka mu mwaka gwa 2019 kyokka nti tebagifuna nga.
"Twali mumaka g'obwa pulezidenti e Booma Mubende, Pulezidenti n'atusuubiza emmotoka kyokka n'okutuusa kati tetugifuna nga. Tetumanyi oba alina gwe yagiwa nagilya." Semuyaba bweyayongeddeko.
Baasinzidde mu ggombolola ye Bukuya mu disitulikiti ye Kassanda bwe baabadde bajaguza olunaku lwabwe nga bannamawulire okukuzibwa buli May 3.
Yagambye nti nga bbo bannamawulire ba Wamala Region, Museveni era yabasuubiza okwongera amaanyi mu pulojekiti yaabwe ey'okulunda embuzi kye yagambye nti nakyo tebakifuna nga.
Yalaze okusomoozebwa kwebayitamu nga bannamawulire mu kitundu ekyo olw'okuba nti omusaala bafuna mutono nnyo nga pulojekiti ezandibayambye okubaako kye bayingiza mu nsawo teballnnafuna busobozi buzitambuza.
Semuyaba yagambye nti bagenda kusooka bayimirize okukola amawulire ga Gavumenti okutuusa ng'ebyabasuubizibwa bikoleddwako.
Ye ssentebe wa disitulikiti ye Kassanda, Kasirye Zimula yasabye bannamawulire okukola omulimu gwabwe mubwensimbu kibayambe okubenyumirizaamu.
Yagambye nti bannamawulire bakoze omulimu gwamaanyi nnyo okumanyisa abantu ebifa mu ggwanga nasaba abantu okwongera okukolaganira ewamu nabo.
Yasabye Gavumenti okutunula munsonga za bannamawulire era neyeyama okugitegeeza kunsonga bannamawulire zeyabasubiza.
Wamala region erimu disitulikiti okuli Mityana, Mubende, Kassanda, Kiboga ne Kyankwanzi.
No Comment