AKULIRA amakomera Dr. Johson Byabashaija alambuludde enkola egenda okugobererwa mu kulungamya emirimu gy'ekitongole

AKULIRA amakomera mu ggwanga, Dr. Johson Byabashaija alambuludde enkola egenda okugobererwa mu kulungamya emirimu gy'ekitongole kino.

Asabye abakulembeze ku mitendera egy'enjawulo, okuginnyikiza eri bebatwala , okulaba ng'ekitongole kituukiriza obuvunaanyizibwa n' ebiruubirirwa byakyo.

Bw'abadde ayogerako eri abasirikale abeetabye mu  'Fourth Prisons Intermediate Command and Staff Course', ku PATS e Luzira', agambye nti okubudaabuda abasibe, okubabangula mu nkola y' emirimu n'okunnyikiza eddembe ly'obuntu, by'ebimu ku birina okugobererwa nga bakola emirimu.

Agasseeko nti empagi ettaano kwe beetoololera balina okuzinyweza , kuli, okukuuma obulungi abasibe, okubabudaabuda n'okubabangula mu mirimu egy'enjawulo.

Ebirala, mwe muli okulaba ng'abasibe bafuna obwenkanya, okulaba ng'ekitongole kino ky'ongerako omutindo ku bikolebwa , okunyweza obukulembeze n'okukuuma ebikolebwa mu kitongole n'ebirala.

Ayongedde okuwa abasirikale amagezi okuyaayaanira okufuna obukugu nga babangulwa ku mitendera egy'enjawulo mu nkola y'emirimu n'enkulaakulana