Akram bba wa Dr.Kluthum Muzaata: Omuwala gwe yalonze ekkubo amusibisizza

Bya Shamim Nabunya

AKRAM Gumisiriza, bba wa Dr. Kluthum Nabunnya Muzaata , yasuze mabega wa mitayimb­wa oluvannyuma  lw'omuwala gw'agambibwa okulonda ekku­bo okumwefuulira n'amuggulako omusango  gw'okugezaako  okumutta.

Kiddiridde omuwala eyeeyise Remmy Mwinzi okumuggulako omusango gw'okumuggyirayo ekiso n'agezaako  okumutta oluvannyuma lw'okulemwa okukkaaanya.

Remmy yategeezezza  nti, baasisinkanye  ne Akram  ku Mmande ekiro ku luguudo lw'e Salaama okuliraana wooteeri  ya Calendar n'amuwa lifuti, nga badda e  Munyonyo.

Kigambibwa  nti bwe baatuuse mu kifo ekimu,  Akram n'ategeeza Remmy ng' enjala bw'emuluma wabula nga talinaamu ssente. Baak­yamye ku bbaala emu ne balya era Remmy n'asasula ng'amusuubizza nti ssente azirina awaka.

Akram Ku Poliisi ,looya We Ne Full Figure

Oluvannyuma  lw'okukki­riziganya  ng'abantu  abakulu, baasazeewo  okugula obuke­bera siriimu era nga Remmy ye yabuguze  oluvannyuma lwa Akram okumukakasa  nti, ssente ziri waka.

Bwe baavudde awo, Remmy yagambye nti yabadde alow­ooza nti bagenda kwesanyu­ sizaako mu wooteeri, wabula kyamubuuseeko Akram bwe yavuze ng'adda  mu  maka gaabwe ne Dr. Kluthum  e Salaama.

Amaka gano galimu ennyumba ennene n'emizigo emmanju  era Akram yabadde asazeewo  kiggweere  mu muzi­go ogumu, Remmy kye yagaanye ng'agamba waakiri bagende mu nny­umba ennene.

Kigambibwa omuwala  bwe yeecanze, Akram kwe kulowooza nti osanga  byon­na ebibaddewo omuwala  amu­kutte  ku katambi n'amutabukira.

Remmy alumiriza nti Akram yaggy­eeyo ejjambiya n'amutiisatiisa okumukolako obulabe, omuwa­la kwe  kukuba enduulu, n'akubira ne OC wa  poliisi ya Salaama  essimu eyazze amangu okumutaasa.

OC bwe yatuuse n'anoon­ya ejjambiya wabula  Remmy agamba  nti Akram yabadde agikwese.

Omuwala olwavudde ewa Akram nga ziri mu ssaawa nga 7:00 mu ttumbi yasibidde ku poliisi n'aggulawo omusango gw'okugezaako okumutta.

Enkeera ku Lwokusatu, poli­isi yayise Akram annyonnyole, n'agendayo wabula ne yeewol­ereza nti okuggyirayo omu­wala ono ejjambiya yakikoze oluvannyuma lw'okumwek­engera nti yabadde ayagala kubba  mmotoka  ye.

Abapoliisi baabawadde  amagezi  okuk­kaanya, omuwala  n'asaba Akram  amusasule  obukadde busatu, kye yagaanyi.

Ensonga Akram yaziyingiz­zaamu Full Figure eyamuwadde amagezi bazongereyo ku poliisi y'e  Katwe etwala  ey'e Salaama.

Wabula  bwe baatuuseeyo  era baalemeddwa okukkaanya ate  omuwala  n'agamba nti kati ayagala Akram  amusasule obukadde 7.

Wadde oluvannyuma Akram yabadde agonze ng'akkirizza okubaako ssente z'amusasula, be yatumye okumunoonyeza ku ssente we bwazibidde ku Lwok­usatu nga teba nnalabikako, kwe kusula mu kaduukulu ka poliisi e Katwe.

Bino we bibeereddewo nga mukazi wa Akram, Dr. Kluthum Nabunnya  ali mu Canada.

Akulira  poliisi y'e Katwe, John Kwesiga yagambye  nti Akram bamugguddeko omusango gw'okugezaako okukola obulabe ku Rem­my Mwinzi. Yagambye nti ng'okunoonyereza kuwedde waakutwalibwa mu kkooti.