Akabenje katuze 2 e Lugogo wakati mu Kampala
Akabenje kano kagudde kumpi ne Cricket Ovel mu maaso ga 4th street ku luguudo lwa Jinja road.
Akabenje katuze 2 e Lugogo wakati mu Kampala
By Godfrey Kigobero
Journalists @New Vision
Abantu babiri bafiiridde mu kabenje akagudde e Lugogo mu Kampala kumakya galeero.
Akabenje kano kagudde kumpi ne Cricket Ovel mu maaso ga 4th street ku luguudo lwa Jinja road.
Kabaddemu emmotoka nnamba UBF 473B FUSO fighter, UBF 215 B FUSO box body, ne pikipiki nnamba UMA 755B A.
Kigambibwa nti ddereeva wa FUSO UBF 215M, emulemeredde n'etomera FUSO endala ne yeefuula n'egwira pikipiki n’etta omuvuzi waayo n'omusaabaze agibaddeko pikipiki.
Omwogezi wa poliisi y'ebidduka, Micheal Kananura ,ategeezezza nti ddereeva wa FUSO ekoze egambibwa okukola akabenje, adduse era bamuyigga.
Emirambo gitwaliddwa mu ggwanika e Mulago ng'okubuuliriza kukolebwa