Abalimi e Nakifuma baweereddwa ensigo za kasooli n'ebijanjaalo okulwanyisa enjala
ABALIMI mu ggombolola bbiri okuli Namuganga saako ne Nakifuma mu byalo okuli Nsagi wamu ne Kiwafu mu ssaza ly'e Nakifuma mu disitulikiti y'e Mukono bafunye akaseko ku matama oluvannyuma lw'okuweebwa ensigo omuli ez'akasooli saako n'ebijanjaalo.
Abalimi e Nakifuma baweereddwa ensigo za kasooli n'ebijanjaalo okulwanyisa enjala
Bukkedde Omusunsuzi
Omusunsuzi @NewVision
Enteekateeka eno ekulembeddwamu Sulaiman Kiwanuka eyavuganyako ku kifo ky'omubaka wa Nakifuma mu kulonda okuwedde era nga yaakuwemmenta obukadde bw'ensimbi za Uganda 10.
Kiwanuka agamba baluubirira okuwa ensigo eri abalimi 100 mu buli ggombolola buli sizoni ate abalimi bataano bafune ebbomba ezifuuyira ebirimi okusobola okubayambako okwongera ku bungi bw'emmere mu kitundu.
Abakyala Abalimi Abaweereddwa Ensigo
Agamba nti mu kiseera kino ng'enkuba etandise okutonnya, abantu basaanidde okusimba emmere okusobola okulwanyisa enjala wadde nga ebbeeyi y'ensigo eri waggulu.
Ronald Musitwa omu ku baafunye ensigo zino agamba nti yadde ekiseera kibadde kyakusimba, babadde balemereddwa okubaako kye bateeka mu ttaka olw'ebbeeyi y'ensigo ne basaba Gav't n'abazirakisa okuvaayo babakwatizeeko ng'abalimi basobole okusimba emmere emala.
