Abaana b'essomero baddusiddwa mu ddwaliro nga biwala ttaka oluvannyuma lw'okufuna akabenje ku piki-piki

ABAANA babiri ab'essomero n'omuvuzi wa pikipiki,  baweereddwa ebitanda nga bali mu mbeera mbi, oluvannyuma lw'akabenje akagudde ku luguudo oluva e Kampala okudda e Mubende.

Poliisi ekutte omujaasi ow'e Kabamba Military Garrison agambibwa okuvugisa ekimama, n'akoona abantu bano abasatu, ababadde batambulira ku pikipiki. kyokka abaduukirize pikipiki , bagibbye.

Akabenje , kagudde  ku kyalo Kagave ku luguudo oluva e Kampala okudda e Mubende mu Mityana district.

Abalumiziddwa ; kuliko Ritah Nansubuga 10, nga muyizi ku ssomero lya Kyankowe day and boarding P/S  ng'abeera Nakitooro mu Ggombolola y'e Ttamu e Mityana.

Omulala ye Anita 6, omuyizi ku ssomero lya St. John Paul Nursery and P/S nga naye abeera Nakitooro , wamu n'omuvuzi wa bodaboda , atannamanyika bimukwatako.

Omwogezi wa poliisi mu Wamala, Lamerk Kigozi, agambye nti bakutte dereeva w'emmotoka premio nnamba UBA 363T agambibwa okuvugisa ekimama n'avaako akabenje kan