Aba famire bagumbye ewa RDC lwa ttaka

Aba famire balumbye ofiisi ya RDC e Kayunga ne bagumba awo nga baagala abataase ku babanyaganyako ettaka lyabwe.

Bagamba nti ofiisi ya RDC nga eri wamu n’eya DISO e Kayunga y’abikkirira ababanyagako ettaka.

         Abaana bano nga bakulembeddwa Norah Nakiboneka balumiriza mukulu wabwe Capt Muwanga Lutaaya okwekooba n’abaatwala ettaka lya famire eriweza yiika 35 erisangibwa e Galiraaya mu disitulikiti y’e Kayunga.

Bano baana ba mzee Elifaazi Ssonko era nga lya kitaawe wa Ssonko ayitibwa Andereya Byakabasa.

        Bagamba nti okisinziira ku kiraamo jjajjabwe Andereya Byakabasa yalirekera abazzukulu bonna wabula Capt. Muwanga Lutaaya n'alitunda.

         Bagamba nti Capt. Lutaaya yeyambisa eky’okuba omusirikale n’avuluga ebintu bya famire ate bwe bamuloopa ewa RDC tewali kikolebwawo era abakudaalira nti tewali gyebayinza kumuloopa.

Nm 2

       Wabula RDC hajj Nsereko n'omumyuka we Peter Mawerere tebabasanze ne bayingira ofiisi ya DISO n'abagamba bagende ku poliisi baloope mukulu wabwe.

        Batudde awo ne nga bwe beewera obutaseguka okutuusa nga Capt. Lutaaya bamukomyeko akomye effujjo ly'akola ku baganda be.

         Wabula Bukedde ayogededde ne Capt. Lutaaya n’agamba  nti ettaka baganda be lye bamulumiriza okutunda kitaabwe yeyalyetundira era byonna byebamwogerako bya bulimba.

         RDC w'e Kayunga hajj Nsereko Mutumba yategeezezza nti ensonga z'aba famire eyo wezajjira nga ofiisi ssi y'agirimu wabula n'asuubiza okuzigoberera bafune obwenkanya