UWA yaiguraho itaagi erisya erya Uganda Wildlife Education Center omuri Mbale.

N’ebya Eli Akiza

Omu hururu y’okutunguura eby’oburambuzi omu ihanga, ekitongore ekirikureeberera enyamaishwa ekya Uganda Wild Authority baatongozaho itaagi erisya erya Uganda Wildlife Education Center Omu rurembo rwa Mbale.

Omuhwezi wa mukuru w’eihanga Rtd. Maj. Jessica Alupo niwe yaakurira omukoro ogu kandi ogu yaashaba abantu kuruga omu kyanga kya burugwa-izooba bwa Uganda okukozesa omugisha ogu okwetunguura kandi yaahiga bakuru b’amashomero nabo okukozesa kurungi omugisha ogu.

Okurugiirira ahari mukuru w’ekitongore kya UWA Dr. James Musinguzi eirindiro eri eryaigurwaho omuri niriija kubahwera okuhisya haihi obuheereza bw’okwegyesa abatuura, abaana b’amashomero hamwe n’abarambuzi ebikwatsire ahaby’okurinda eby’obuhangwa n’eby’oburambuzi omu ihanga oteireho n’okukyendeeza omwijurirano ahari Uganda Wildlife Education Center omuri Entebbe.

Omukoro ogu gwahikwaho abeebembezi bakuru omu ihanga abarimu Minisita omusya ow’eby’abakozi a Gavumenti, Lydia Wanyoto, Hon. Susan Nakawuki Nsambu minisita w’eihanga ow’eby’oburambuzi, Omukuuka w’Obumasaaba, abeebembezi b’ebitongore bitari bimwe na bimwe hamwe n’abandi baingi.

#WestUpdates