Owabaireho mukuru wa UNEB, Mathew Bukenya yaafa.

N’ebya Omushaki weitu

Owabaireho mukuru w’ekitongore ky’ebigyezo ekya UNEB, Mathew Bukenya yaafa.

Omugambirizi w’ekitongore eki, Jennifer Kalule yahamya amakuru g'okufa kwa Bukenya eriizooba ebiro 22.07.2024 kandi yagira ngu Bukenya afiire omu kiro kya Sande.

Okurugiirira ahari Kalule, ekitongore ekya UNEB kiriyo nikikoragana n’aba famire kutaho enteebekanisa z’okuzika.

Bukenya, owakozire nka mukuru wa UNEB kumara obwire buringwa akahumuura nk’omubazi mukuru omu kitongore eki bwanyima y’okuhisya emyaka 60 kandi akagaruka yayetwa kuba nakora nk’omuhandiiko omu mwaka gwa 1997 bwanyima y’omwaka gumwe aheerize kuhuumura, omurimo oguyakozire kumara emyaka erengire 15.

Bwanyima y’okuhuumura kwe, boodi ya UNEB ekatoorana owabaire ari omuhwezi wa Bukenya, Dan Nokrach Odongo nka mukuru w’ekitongore ky’ebigyezo ekya UNEB kandi na hati niwe akiraho.

#WestUpdates
#RadioWestAt25