Purezidenti Museveni nasiima ekitongore ekiramuzi ahabw'okutunguura eby'obuheereza

N'ebya Omushaki Waitu

GOMBA:

President Yoweri Kaguta Museveni nasiima ekitongore ekiramuzi omu Uganda eki arikugira kitungwire eby’obuheereza omu eihanga.

President Museveni, Maama Janet na Ishe-Abaramuzi omusya, Dr. Flavian Zeija....(PPU Photo)

President obaire ashendekyerezibwe omukazi we kandi minisita w’eby’obwegyese, Maama Janet Museveni ebi abigambire nyomwabazyo obu abaire akuriire omukoro gw’okurahiza Dr. Flavian Zeija nka ishe-abaramuzi omumakagye omuri Kisozio mu district ya Gomba.

Dr. Flavian Zeija arikurahira nka Ishe-Abaramuzi omusya...(PPU Photo)

President Museveni agiizire ngu kwiha NRM eza omubwebembezi, abeebembezi batweire nibatendekwa okukunda eihanga ryabo kandi ekihwereire ekitongore ekiramuzi hamwe na ofiisi ya president okukoragana hamwe.

Omukoro gw'okurahiza Ishe-Abaramuzi omusya ogubaire omuri Kisozi...(PPU Photo)

Ogu asiimire obaire ari ishe-abaramuzi, Alfonse Owiny-Dollo ahabw’okutunguura eby’obuheereza omu kooti.

Obaire ari Ishe-Abaramuzi, Alfonse Owiny Dollo....(PPU Photo)

Hoona asiimire na Zeija ahabw’okurwanisa obushomankuzi agumize ngu omuze ogu niguretera abantu obutagira bwesigye omuby’oburinganiza n’oburamuzi.

Bamwe ahabahikire ahamukoro gw'okurahiza Ishe-abaramuzi omusya...(PPU Photo)

Omubigambo bye, Dr. Zeija asiimire President Museveni ahabw’obwesigye obu amuteiremu agumize ngu oku nokutooranwa kwe kwakana kuruga owa president omukitongore ky’eby’oburamuzi.

Ogu araganise okutunguura enkora eya ADR omukuhoza emishango kitaka, okwebembeza emituriire y’abaramuzi n’okushomesa abaramuzi enkora ya AI omukucwa emishango.