Amakuru
Purezidenti Museveni na Minisita Janet baagarura busya endanga-muntu zaabo
Okugarura busya endanga-muntu za Purezidenti Museveni n’omukyara we kwabaho ahaarugaho omumaka g’obwa Purezidenti ahari Nakasero omuri Kampala.
Purezidenti Museveni (buryo) n'omukyara we, Hon Janet, barikwehandiikisa n'abarikugarura busya endanga-muntu ahari Nakasero State Lodge, Kampala, eriizooba 10.06.2025. PHOTO: PPU
By: NewVision Reporter, Journalist @NewVision
N’ebya Andrew Tushabe
Purezidenti Yoweri Museveni n’omukyara we, kandi ori Minisita w’eby’obwegyese n’emizaano, Hon Janet Museveni, eihangwe ry’eriizooba baagarura busya endanga-muntu zaabo omuhururu y’okwehandiikisa kutunga n’okugarura busya endanga-muntu, eriyo neegyenda omumaisho omu ihanga ryona
Omurimo ogu guriyo nigukorwa ekitongore ekya National Identification and Registration Authority (NIRA) kandi gwakora ekikoosi ekyaba nikiruga omukitongore eki kyebembeirwe orikukurira NIRA, Rosemary Kisembo.
Okugarura busya endanga-muntu za Purezidenti Museveni n’omukyara we kwabaho ahaarugaho omumaka g’obwa Purezidenti ahari Nakasero omuri Kampala.
Okuhandiikisa abatuura omu ihanga n’omurimo gw’omugasho munonga omubikwatiraine n’eby’okwerinda hamwe n’okureebeka ngu buri munya Uganda yaabariirirwa omukumanya ebirikugamba ahabatuura b’eihanga.
#WestUpdates