Poorisi yaakwata orikuteeza oburuuru ahari Buguzi P.S - Bunyangabu
...eiziina rya James Ategeka Mugarama (otaine kibiina), niryo ryonka eryaba rikyebeirwe.
Poorisi erikukwata Monday Nantarina bwanyima y'okumushanga n'obupapura bw'oburuuru bukyebeirwe ahari Buguzi Polling Station omuri Bunyangabu eriizooba. PHOTO: DOREEN NASIIMA
N'ebya Doreen Nasiima omuri BUNYANGABU
Poorisi yaakwata orikukurira orikuteeza akaruuru, owaamanywa nka Manday Nantarina, ahari Buguzi Polling Station omu disiturikiti ya Bunyangabu bwanyima y'okushangwa aine obupapura bw'oburuuru bukyebeirwe.
Ahabupapura obu, eiziina rya James Ategeka Mugarama (otaine kibiina), niryo ryonka eryaba rikyebeirwe.
Mugarama ayesimbire kuba mukuru w'entebe ya 5 ahabwa disiturikiti ya Bunyangabu kandi ayesimbire na Peter Musinguzi oizire akwatsire ebendera ya NRM.
Mugarama, kandi hoona ori ceyamaani w'entebe ya 5 obwa hati, akeesimbaho kujwekyera ishaza rya Bunyangabu omu ishengyero omukaruuru ka NRM beitu yasingwa Victor Kalenzi ekyareeteire yaagaruka kwesimba ahantebe ei ariho obwa mbwenu.
Nantarina yaatwarwa ahakitebe kya poorisi ekya Kibiito kwongyera kucondoozibwa.
#WestUpdates
#UgandaDecides2026