Omubaagi omuri Kagadi aitsirwe bamunaga omu kamina.
Okucondooza okwahikireho nikworeka ngu abantu 3 abarimu; Lydia Ssengiyuva, orikugambwa kuba ari omukundwa w'omugyenzi, Rehema na Justus Ndyamuhaki, mukama wa kamina boona bari omu kihome kya Kagadi kuhweraho Pooriisi omu kucondooza kwayo.
Omugyenzi Peter Ngonzibwoha oitsirwe yaheza kwihwa omu kamina omuri Kagadi aha Sande ebiro 24/09/2023. Photos by Andrew Musinguzi.
N'ebya Andrew Musinguzi
KAGADI
Pooriisi omu disiturikiti eya Kagadi eriyo necondooza nk'oku omubaagi w'emyaka 48 aitsirwemu n'omutumbi gwe bakagunaga omu kamina ekiriyo neyombekwa omu tauni kanso ya Ruteete.
Patrick Opio, Omuduumizi wa Pooriisi ahabwa Kagadi naagamba oitsirwe nka; Peter Ngonzibwoha, omutuura wa Ruteete East omu tauni kanso ya Ruteete.
''Turiyo nitucondooza enshonga egi kandi nitwija kuba nitumanyisa abantu ebirikukiraho okucondooza kukuraahwe. Eki n'ekikorwa ky'obusaasi kandi abakikozire nibaija kujunaanwa okucondooza kukuraahwe," Opio arikushoborora.
Lydia Ssengiyuva orikuteekateekwaho kuba aitsire iba yaheza kukwatwa aba abatuura Pooriisi etakizire. Photo by Andrew Musinguzi. After Her Arrest By Kagadi Police Before Angry Ruteete Residents.photo By Andrew Musinguzi
Omutumbi gwa Ngonzibwoha gwareebwa abaana omukasheeshe k'eriizooba gunagirwe omu kamina ya Justus Ndyamuhaki kandi bamanyisaho abatuura abamanyisa ab'obushoborozi b'omu kicweka eki.
Milton Ndyareba, Ceeyamaani w'ekyaro kya Ruteete, yaagira ngu Ngonzibwoha atwire ari omutuura murungi ataine mparana n'abatuura.
Okucondooza okwahikireho nikworeka ngu abantu 3 abarimu; Lydia Ssengiyuva, orikugambwa kuba ari omukundwa w'omugyenzi, Rehema na Justus Ndyamuhaki, mukama wa kamina boona bari omu kihome kya Kagadi kuhweraho Pooriisi omu kucondooza kwayo.
Orikuteekateekwaho kuba aitsire iba, Lydia Ssengiyuva owa kabiri omukono gwa buryo yaheza kukwatwa Pooriisi ya Kagadi arikutwarwa aha Pooriisi enkuru eya Kagadi. Photo by Andrew Musinguzi
#WestUpdates