Pooriisi, UNRA kucondooza ahanguuto eya Nkumba - Entebbe
Pooriisi ya Uganda n’abandi abukirikukwataho aharimu ekitongore ekya Uganda National Road Authority (UNRA) batandikireho okucondooza ahanguuto eya roundabout ya Nkumba ahabeireireho butandu wiiki egi.
Pooriisi, UNRA kucondooza ahanguuto eya Nkumba - Entebbe...UNRA Photo
Pooriisi, UNRA kucondooza ahanguuto eya Nkumba - Entebbe
N’ebya Omushaki Waitu
Kampala:
Pooriisi ya Uganda n’abandi abukirikukwataho aharimu ekitongore ekya Uganda National Road Authority (UNRA) batandikireho okucondooza ahanguuto eya roundabout ya Nkumba ahabeireireho butandu wiiki egi.
Eizooba erya nyomwabazyo, ba ingyiniya ba UNRA n’aba pooriisi barambwire enguuto eya Kampala-Entebbe ahabereireho butandu ibiri wiiki egi.
Omu pooriisi arikurambura roundabout eya Nkumba...UNRA Photo
Raphael Okiot, puriida kandi obaire ari omushomesa ah’eitendekyero erya UCU, Mukono agwiire omu butandu aharwakashatu bwanyima yamotoka erikutabura siminti kuremwa kutsiba ahabitara bya Nkumba nikwo kugwera motoka ye akafeeraho.
Butandu eyabaireho aharwakataano ahanguuto niyo emwe...
Aharwakataano, abantu 15 aharimu n’abaana bahoonire okufa bwanyima y’emotoka 4 ezirimu coaster, takisi, Land Cruiser V8 na Toyota Premio kutoomerana ahamwanya nigwo gumwe.
Allan Sempembwa, Omugambirizi w’ekitongore ekya UNRA naagira ngu abanya Uganda nibaija kumanyisibwa ebirarugye omu kucondooza kwabo.
#WestUpdates