Pooriisi ezoire omwana w’ameezi 3 obaire anagirwe- Mubende
Omugambirizi wa Pooriisi ahabw’ekyanga ekya Wamala, Rachael Kawala, naagira ngu ebyahikireho kuruga omu kucondooza nibyoreka ngu omwana ogu abuziibweho ebiro 23/07/2023 ahari shaaha nka 4 z’akasheeshe obu nyina Nakityo Rose abaire asingire omwana wenka omunju akaza kutaaha amaizi ahaiziba.
Omu Pooriisi akikiire omwana ou Pooriisi eshangire anagirwe omu kishaka. Ekishushani n'ekya Uganda Police.
N’ebya Beth Akatukunda
MUBENDE
Pooriisi omu disiturikiti eya Mubende ezoire omwana w’omwojo w’ameezi 3 orikugambwa kuba abaire abuziibweho.
Omwana ogu ou amaziina ge gatagambwa ni mutabani wa Magezi Aaron na Nakityo Rose, abatuura b’omu kyaro ekya Kikona Cell omu muruka gwa Kirungi Ward omuri South Division omu disiturikiti eya Mubende.
Omugambirizi wa Pooriisi ahabw’ekyanga ekya Wamala, Rachael Kawala, naagira ngu ebyahikireho kuruga omu kucondooza nibyoreka ngu omwana ogu abuziibweho nyomwebazyo ebiro 23/07/2023 ahari shaaha nka 4 z’akasheeshe obu nyina Nakityo Rose abaire amusingire omunju wenka akaza kutaaha amaizi.
Omwana ou Pooriisi eshangire anagirwe omu kishaka. Ekishushani n'ekya Uganda Police.
Ku agarukire, yaashanga omwana we ataruho ahu abaire amusire.
Ahikire nateerera omushaija we esimu obaire yagiire aha murimo nikwo kwija bakatandika kuronda omwana akababurira nikwo kumanyisaho Pooriisi.
Kawala naagira ngu aba Pooriisi baabo batandikire kuronda omwana nikwo kumushanga omu kishanga anagirweyo haihi n’akaju k’omufumu Nakatogo Vadesi.
Nayongyeraho ngu omwana ogu bamushangire ahuriire arikwongyeraho ngu okucondooza kuriyo nikugyenda omu maisho kumanya ori enyima y’okubuzaho omwana ogu.
Naashaba abazaire n’abakuza b’abaana okuba abegyendesereza kandi bakarekyeraho kusigaho abaana bonka bataine muntu weena.
#WestUpdates