Ow’emyaka 19 kukomwa emyaka 15 ahabw’okutoroboza omwana w’omwishiki.
Ahabw’okutiina, omwishiki ogu owabaire ari wenka omu kiyungu omu maka ga nyinenkuru akabyama ahansi, nikwo omushaija ogu kumutungamira akamutoroboza.
Samuel Amanyire ari omu kooti. (Photo by Jonan Tusingwire).
N’ebya Omushaki weitu
KABAROLE
Kooti enkuru omuri Fort Portal ecweriire omutsigazi w’emyaka 19 okukomwa emyaka 15 omu kihome ahabw’okusingisibwa omushango gw’okutoroboza omwana w’omwishiki w’emyaka 9 omu disiturikiti eya Kabarole.
Wiiki ehwaire, Samuel Amanyire aikiriize kuba yaakozire omushango ogu ogw’okutoroboza omwana w’omwishiki w’emyaka 9 oguyakoriire omu kyaro ekya Nyamirima omu gomborora eya Ruteete omu disiturikiti eya Kabarole.
Kooti ebaire ekuriirwe omuramuzi Vincent Wagona ehuriire ngu aha biro 19.03.2025, Amanyire owabaire aine omuhoro akatinisiriza okwita omwishiki ogu yaheza kwanga kubyama nawe.
Ahabw’okutiina, omwishiki ogu owabaire ari wenka omu kiyungu omu maka ga nyinenkuru akabyama ahansi, nikwo omushaija ogu kumutungamira akamutoroboza.
Amanyire, owabaire naakora emirimo ya riija-riija omuka egyo akagaruka yaatoroboza omwishiki niwe omwe bwanyima y’ebiro 3.
#WestUpdates